Katarina Pirak Sikku – Almmiravdda ivnnit

Čájáhusáigodat: 09/08/21 – 05/09/21

Dat lea juoga mii moriha mu siste go lasttat leat gahččan, buolaš lea boahtán ja luondu ráhkkana dálve nahkáriidda. Lea dakkár ráfi, jaskatvuohta, muhto maiddái veháš ahkit. Mun láven mannat olggos dan alit diimmus, dan diimmus goas seavdnjadas vuojeha beaivesuodnjariid, mun dagan maid sáhtan vai čalmmit hárjánit skábmii. Mun liikon váccašit bihcon eadnamis, go dalle eanan vuollána mu deddui ja vuojun eadnamii bihci čađa. Mun muosáhan dušše luonddu, eai mus dalle bliánttat, eai báhppárat, iige govvenápparáhta. Lea luondu ja mun.
Lea juoga man geahččalan fáhtet, in dieđe riekta mii dat lea, lean ohcan juo 1997 rájes, ja joatkkán ain ohcamiin. Dás juogadan proseassaidan duinna.

– Katarina Pirak Sikku

 

Govva: čájáhusas Almmiravdda ivnnit
Govven: Katarina Pirak Sikku