Jennie Hagevik Bringaker: Performánsa 6/4

Čájáhusrahpan ja performánsa Sámi Dáiddaguovddážis 
Lávvardaga cuoŋománu 6. beaivvi diibmu 18:00.

Jennie Hagevik Bringaker ja Erlend Hogstad leaba Aase Texmon Rygh Møbius -bácciide dahkan performánssa. Čájáhulanjas interaktiivvalaččat čuvgeba dáiddár guovttos ja ovdanbuktiba møbiusbátti molsašuddamii, dat duppalvuohta, dat orgánalaš báttit, agálašvuohta ja dat ávnnaslaš proseassa. Dat jaska čuožžu ja olbmojurdda vuodjudeaddji báccit šaddet dáiddahámi gaskaoapmin, juoga mii dáhpáhuvvá dál ja dás, ja mii lea nohkavaš. Performánssa maŋŋil báccit báhcet ain čuožžut…

Jennie Hagevik Bringaker, r. 1978, ássá ja bargá Strømmenis Akershus fylkkas. Dáiddalaččat bargá son rasttildeaddji dáiddasurggiin mas atná bácciid iežas performánssaiguin. Son lea oahpus gazzan Akademi for Scenekunst, Scenografiija suorggis ja New York University/ MFA  Studio Artas.

Neahttasiidu: http://jenniehagevikbringaker.tumblr.com

Erlend Hogstad, r. 1980, lea oahppan jietnahábmejeaddjin Den norske filmskolenis, ja lea guhkit áigge ovttasbargan Jennie Hagevik Bringakeriin iešguđet lágan prošeavttaiguin, earret eará Norsk skulpturbiennales, Paris Internationalesja čájáhusaiguin, Hacienda/ Zürichas ja Norsk Billedhoggerforeningas Oslos.

 

Performánsa čájehuvvo doarjaga ja ovttasbarggu bokte Našunalmuseain.