Searvva gelddolaš dáiddárságastallamii, mas leaba mielde Hans Ragnar Mathisen ja Lin, Pei-Han. Sáhkan šaddet iešguđet ovdamearkkat dáiddáriid čájáhusain ja sudno ovttasbarggut kuráhtoriiguin.

Hans Ragnar Mathisen válddii oahpu Norgga stáhta giehtaduodje- ja dáiddaindustriijaskuvlla njuohtansuorggis, ja lea bargan njuohtamiin ja dáiddagovaid deaddimiin. Mathisen lea doallan sierračájáhusaid, bargan diŋgojuvvon čiŋahanbargguid ja su dáidagiid leat oastán stuorra, dovddus ásahusat, earret eará Davviriikkaid ministtarráđđi ja Sámi kulturráđđi. Son lea bargan mealgat viidábut go čájáhusaiguin, go lea maid lágidan festiválaid, čájáhusaid ja konsearttaid, ja lea dan bokte addán dáiddaservošii ollu, nu ahte váikkuhusat dovdojit guhká. Son nammaduvvui riddárin ja UiT gudnedoavttirin 2022 su dáiddabargguid ovttas.

Lin, Pei-Han lea dáiddasurggiid rasttildeaddji dáiddár, gii bargá dutkanvuđot dáidagiin. Son čiekŋu prošeavttainis politihka, birasvuoiggalašvuođa ja olmmošvuoigatvuođaid russenčuoggáide. Lin geavaha áidnalunddot lahkonanvuogi; son ovttastahttá analoga ja digitála diehtoguorrama, dihto báikkiide čadnojuvvon sadjedáidagiid ja empáhtalaš vugiid, nu mo jearahallanvuđot formáhtaid. Son lea Hans Ragnar Mathisena dáiddárveahkki Kulturráđi veahkkedáiddárortnega bokte.

Searvva ságastallamii Teamsas:
https://teams.live.com/meet/9469477896444?p=iWjzNmqFS4anhw44

Bistin 45 minuhta

Gielat: Dárogiella ja eaŋgalsgiella