Sámi Dáiddaguovddáš (SDG) buvttadii čájáhusaid jagis 2019, ja mat dál leat maiddái geardomátkkis. Čájáhusat sisdollet sámi dálááigge dáidaga ja dáiddaduoji, luoikkahuvvon máilmmi stuorámus sámi dálááigge dáiddačoakkáldagas man RiddoDuottarMuseat-Sámi Dáiddamagasiidna (RDM-SDM) Kárášjogas vurke ja hálddaša. Čoakkáldat stuorru jagis jahkái ja doppe leat birrasii 1400 objeavtta. Johttičájáhusat leat oassin 3-jagáš ovttasbargoprošeavttas gaskal RiddoDuottarMuseat (RDM) ja SDG:a.Čájáhusaid lea kurateren direktevra Kristoffer Dolmen.

Image

TOMAS COLBENGTSON // VÅÅJNESASSE BUEKTEDH

19.09. - 04.10.2020 Kimen kulturhus Stjørdal

Čájáhusas bohtet ovdan oassi glássa objeavttain, bácciin ja govain. Dáidaga bokte háliida Colbengtson ovdanbuktit ja čalmmustahtit dan mii lea dahkkojuvvon oaidnemeahttunin. Glásaid nyánssain oidno sámi historjá ja dálááigi, ja máŋga dološ gova máttasámi guovllus. Čájáhusa lea kurateren Kristoffer Dolmen.</p

Tomas Colbengtson (r. 1957) lea máttasápmelaš, bajásšaddan smávva gilážis lahka Björkvattnet, Deartnás. Son bajásšattai áiggis goas lei olu rahčamuš iežamet giela gáhttet, oskku ja iešmearrideami. Colbengtson leamašan juo dáiddárin 30 jagi. Su dáidagiid vuolggasadji lea iežas muittut ja vásáhusat bajásšattadettiin ja maiddái sápmelaččaid otná dilli.

Čájáhus lea čájehuvvon:
31.08. – 11.09.2020 Aejlies – Saemien Jarnge Dearnesne
17.06. – 21.08.2020 Sijti Jarnge – Samisk kultur- og utviklingssenter Hattfjelldal

Image

INGUNN UTSI "SÁGASTALLAN"

18.09 - 31.10.2020 Pikene på Broen Kirkonjárga


Čájáhusas boahtá ovdan válljejuvvon oassi Ingunn Utsi iešguđet áigodaga dáiddabarggut. Das guovdilastet báccit máŋgga hámis, sihke dakkárat mat ieža čužžot, nannánjuggiid ala biddjojuvvon dahje seaidnái hengestuvvon. 

Son lea guhkit áigge juo geavahan muoraid mat luonddus gávdnojit iežas dáiddabargguin, sihke rievddahasaid fiervvás ja jápma muoraid meahccis. Pleksiglássa lea máiddái ávnnas man iskkada geavahit, ja maid son sojaha dego bárrun, ja su bácciit šaddet hui erenománin. Bázzedahkamis seaguha son muora pleksiglásain, geđggiin, ruvddiin ja eará ávdnasiiguin. 

Mearragáttis, gos sálte čáhcci boršida mielahis garra fámuin gátti vuostái ja gos dat fábmu nohká ja  nuppástuvvá geahppa bárožin, doppe Utsi viežžá inspirašuvnna bargguideaset.

Reiffvági fiervvás gávndá son Sibira rievddahasaid, ja mat ovddeš áiggis juo ledje birgejupmái dehálaš resursan ja huksenávnnasin.

CONVENTUS

13.09. – 25.10.2020 Rana Kunstforening, Måeffie, Nordlánddas
13.06.2020 – 30.08.2020  Galleri Espolin/Museum Nord, Kabelvåg, Nordlánddas
21.03.2020 – 25.04.2020  Sortland kunstforening, galleri blåIi čájehuvvo covid-19 geažil!
02.12.2019 – 19.01.2020  Galleri Norske Grafikere, Oslo

.

Čájáhusas deaivvadit 15 iešguđet áigodaga ja máŋgga buolvva dáiddára, John Savio (r. 1902) rájes, gitta Ragna Misvær Grønstada (r. 1984) rádjai. Buohkat sii barget hui viidát deaddilan/gráfihkkateknihkaiguin. Čájáhusnamma Conventus lea vižžojuvvon Geir Tore Holma muorrávadjosis, ja sánis dahje čájáhusanamas sáhttet máŋga mearkkašumi, nu go ovdamearkkadihte dát guokte; deaivvadeapmi dahje čoagganeapmi. Čájáhus lei vuosttaš geardde oaidninláhkai Sámi Dáiddaguovddášžis jagis 2019.
.
Dáiddárat
Tomas Colbengtson, Eva Aira, Aage Gaup, Ragna Misvær Grønstad, Trygve Lund Guttormsen, Geir Tore Holm, Arnold Johansen, Iver Jåks, Oddmund Kristiansen, Hans Ragnar Mathisen, Inga Nordsletta Pedersen, John Savio, Katarina Pirak Sikku, Lena Stenberg, Kristin Tårnesvik
.
Loga eanet…
.
Media beaggin
Se Kunst
Ságat

HÁBMET HÁMI

11.10.2019 – 08.12.2019  Romssa Dáiddasiida, Romsa
09.03.2019 – 17.04.2019  Terminal B – Pikene på Broen, Kirkonjárga
.

Hábmet hámi čájáhusas deaivvadit 10 dáiddára geain lea nana oktavuohta hámiide ja materiálaide, vuoiŋŋalaš ja áiccolaš máhtolašvuhtii. Čájáhussii leat bovden muhtin dáiddáriid oassálastit ođđasat dáiddabargguideasetguin, ja leat maiddái luoikkahan muhtun dehálaš ja láidesteaddji dáiddabargguid RiddoDuottarMuseaid dáiddačoakkáldagas (RDM). Nu addá dát čájáhus ođđa ipmárdusa sámi dáidaga ovdanbuktinvuohkái, árbevieruide ja dáidaga ovdáneami hárrái. Čájáhus lea ovdalis čájehuvvon Sámi Dáiddaguovddážis jagis 2018.
.
Dáiddárat
Silje Figenschou Thoresen, Geir Tore Holm, Rose-Marie Huuva, Randi Marainen, Elly Mathilde Novvale Johnsen, Ann-Elise Pettersen Hyndøy, Raisa Porsanger, Alf Salo, Morten Torgersrud, Kristin Tårnesvik
.
Lasi dieđut…
.
Media beaggin

Ávvir
Kunstsentrene
Se Kunst
Klassekampen

TIME FOR SCULPTURE # MUORAS ÁRDNAN

09.01.2020 – 01.03.2020  Gjenreisningsmuseet, Hámmarfesta
15.06.2019 – 01.09.2019  Várjjat Sámi Musea, Vuotnábahtá

.

Čájáhusas guovdilastá muorra váldoávnnasin ja dan geavaheapmi sihke bázze- ja objeavttaiddahkamis. Sámis lea erenoamážit muorra dat árbevirolaš duddjonávnnas, sihke bázzedahkamis, muhto maiddái duojis muđui. Čájáhus lea ovdalis čájehuvvon Sámi Dáiddaguovddážis jagis 2019.
.
Dáiddárat
Iver Jåks, Jon Ole Andersen, Aage Gaup, Ingunn Utsi, Annelise Josefsen, Randi Marainen, Håvard Larsen, Per Isak Juuso, Margrethe Pettersen, Folke Fjällström, Maj-Lis Skaltje, Max Lundström

Lasi dieđut…

Media beaggin
Ávvir
Kunstsentrene

ILLUMINATION

26.09.2019 – 03.11.2019  Stormen Bibliotek, Bådåddjo
24.08.2019 – 22.09.2019  Kulturbadet Galleri, Sandnessjøen
28.06.2019 – 11.08.2019  Vefsn Museum, Mussere
25.04.2019 – 11.06.2019  Hamsunsenteret, Hábmir

.

Illumination čájáhusas oassálastet 9 sámedáiddára geat buohkat suokkardit dan visuálalaš ovdanbuktima vejolašvuođaid njuohtamiin. Dás eai leat politihkkálaš gažaldagat guovddážis, iige identitehta problematihkka nugo olu stuorit čájáhusain main leat sámedáiddárat oassálastán daid maŋimuš jagiid. Dás baicce guovdilastet hámit ja vuoiŋŋalašvuohta. Dat njuohtamat iešalddis leat dat váttisvuođačoalmmat! Čájáhusas boahtá ovdan njuohtama ovdáneapmi 1970-logu rájes gitta otnášii, ja mii fátmmasta máŋgga buolvva dáiddáriid ja sin njuohtan árbevieruid.  Njuohtamat leat máŋgga sturrodagas ja eanaš oasis leat abstrákta, muhto maiddái geažideaddji hámit.  
.
Dáiddárat
Per Enoksson, Asbjørn Unor Forsøget, Josef Halse, May-Liss Nilsen, Elly Mathilde Novvale, Synnøve Persen, Outi Pieski, Lena Stenberg, Stein Erik Wouhti
.
Media beaggin
Se Kunst