Sámi Dáiddaguovddáš (SDG) buvttadii 2018s ja 2019s čájáhusaid geardomátkkiid várás maiddái. Čájáhusat sisdollet sámi dálááiggedáidagiid ja dáiddaduoji, luoikkahuvvon RDM-Sámi Dáiddamagasiinnas, dáiddáriin ja earáin. Čájáhusat leat oassin dan golmmajagáš oktasaš gaskkustanprošeavttas gaskal Sámi Dáiddaguovddášža ja RiddoDuottarMuseaid. Kuráhtor lea Kristoffer Dolmen, SDG:a direktevra.

Mii leat ráhkkaneamin lasi geardomátkiid, sihke ođđa čájáhusaid ja maiddái ođđa čájehanbáikkiid. Lasi dieđut almmuhuvvojit nu fargga go ođđa šiehtadusat leat dahkkon.

HÁBMET HÁMI 

2019 – 2020

11.10. – 8.12.2019 Tromsø Kunstforening
09.03. – 17.4.2019 Terminal B – Pikene på Broen, Girkonjárga

Hábmet hámi -čájáhusas deaivvadit dáiddárat, geain lea nana oktavuohta hámiin ja materiálain, vuoiŋŋalaš ja áiccolaš máhtuin. Čájáhussii leat sihke bovden muhtun dáiddáriid oassálastit ođđasat dáiddabargguideasetguin, ja leat maid muhtun dehálaš ja láidesteaddji dáiddabarggut RiddoDuottarMuseaid dáiddačoakkáldagas (RDM). Nu dát čájáhus addá ođđa ipmárdusa sámi dáidaga ovdanbuktinvuogi, árbevieruid ja ovdáneami hárrái.

Dáiddárat
Silje Figenschou Thoresen, Geir Tore Holm, Rose-Marie Huuva, Randi Marainen, Elly Mathilde Novvale Johnsen, Ann-Elise Pettersen Hyndøy, Raisa Porsanger, Alf Salo, Morten Torgersrud, Kristin Tårnesvik.

Loga eanet…

Medias
Kunstsentrene
Se Kunst

CONVENTUS

2019 – 2020
21.03. – 25.04.2020 Sortland kunstforening, galleri Ariblå – II ČÁJEHUVVO korona geažil!
02.12. – 19.01.2020 Galleri Norske Grafikere, Oslo

Čájáhusas deaivvadit iešguđet áigodaga ja máŋgga buolvva dáiddára, John Savio (r. 1902) rájes, gitta Ragna Misvær Grønstada (r. 1984) rádjai. Buohkat sii barget viidát deaddilan/gráfihkkateknihkaiguin. Čájáhusnamma Conventus lea vižžon Geir Tore Holm:a muorrávadjosis, ja sánis/namas sáhttet máŋga mearkkašumi, nu go dát guokte; deaivvadeapmi ja čoagganeapmi.

Dáiddárat
Tomas Colbengtson, Eva Aira, Aage Gaup, Ragna Misvær Grønstad, Trygve Lund Guttormsen, Geir Tore Holm, Arnold Johansen, Iver Jåks, Oddmund Kristiansen, Hans Ragnar Mathisen, Inga Nordsletta Pedersen, John Savio, Katarina Pirak Sikku, Lena Stenberg, Kristin Tårnesvik

Loga eanet…

Medias
Se Kunst
Ságat

TIME FOR SCULPTURE #1 – MUORAS ÁRDNAN

2019 – 2020
09.01. – 01.03.2020 Gjenreisningsmuseet, Hámmarfeasta
15.06. – 01.09.2019 Várjjat Sámi Musea, Vuotnabahtá

Čájáhusas lea muorra váldoávnnasin, ja dan geavaheapmi guorahallojuvvo sihke bacce- ja objeaktadahkamis. Sámis lea dat árbevirolaš ávnnasgeavaheapmi erenoamáš sihke dáidagis ja duojis. Ánddir Ivváris (Iver Jåks) leamašan erenoamáš mearkkašupmi sámedáidaga ovdáneamis, go son han lei stuorra dáiddár ja gii lea inspireren maŋisboahtti sámedáiddáriid. Dát čájáhus lea dat vuosttaš oassi dan golmmaoasát čájáhusaráiddus, mat čájehuvvojit dálvvi ja giđđadálvvi mielde, ja mat čalmmustahttet sámedáiddáriid bargovugiid, golmmaolat dáiddabargguiguin, objeavttaiguin, bácciiguin ja instalašuvnnaiguin.

Dáiddárat
Jovn’Ovllá – Jon Ole Andersen, Folke Fjällström, Aage Gaup, Annelise Josefsen, Per Isak Juuso, Ánddir Ivvár – Iver Jåks, Håvard Larsen, Max Lundström, Randi Marainen, Margrethe Pettersen, Maj-Lis Skaltje, Ingunn Utsi

Loga eambbo…

Medias
Ávvir

ILLUMINATION

2019 – 2020

26.09 – 03.11.2019 Stormen Bibliotek, Bådåddjo
24.08. – 22.09.2019 Kulturbadet Galleri, Sandnessjøen
28.06. – 11.08.2019 Vefsn museum, Mussere
25.04. – 11.06.2019 Hamsunsenteret, Hápmir

Illumination čájáhusas leat ovcci dáiddára geat njuohtamiid bokte guorahallet govvadáidaga visuála giela. Dán čájáhusas eai guovdilastte politihkalaš gažaldagat, dahje identitehtaproblematihkka, nu go moanat stuorit sámedáiddačájáhusat maŋemuš jagiid. Čájáhusas bohtet ovdan olu hámit ja maiddái bealit vuoiŋŋalašvuođas. Govvadáidagat dahket gažaldagaid eanet go vástádusaid. Čájáhus čalmmustahtá daid nuppástuvvamiid tendenssaid 1970-logu rájes odnášii. Dáiddárat gullet máŋggaid buolvvaide iešguđet lágan árbevieruiguin. Njuohtamat leat sihke ábstrakta, muhto maiddái govahallit máŋgga sturrodagas.

Dáiddárat
Per Enoksson, Asbjørn Forsøget, Josef Halse, May-Liss Nilsen, Elly Mathilde Novvale Johnsen, Synnøve Persen, Outi Pieski, Lena Stenberg, Stein Erik Wouhti

Medias
Se Kunst i Nord-Norge