Sámedikki dáiddaoastimat ja skáhppomat 2020-2022
Sámedikki dáiddaoastimat ja skáhppomat 2020-2022 leat Sámedikki oastinlávdegotti 2020-2022 áigodaga oastimat ja skáhppomat . Čájáhus sisttisdoallá dáidagiid báikkis ja dáidagiid mat digitálalaččat leat oidnosis. Sámi Dáiddaguovddáš válljejuvvui dán dehálaš dáhpáhusa báikin. Áigumuššan lea čájehit maŋimuš jagiid kreatiivvalaš eanadaga maid sámi dáiddárat leat buvttadan dáiddalašvuođas, ja oažžut oidnosii historjjálaš dehálaš dáidaga dáiddáriin geat Sámis barget. Kalaallit Nunaat lea ovddastuvvon ovtta dáiddáriin. Čájáhus lágiduvvo ovttas RiddoDuottarMuseain ja Sámedikki oastinlávdegottiin.
Dáidagiid lea oastán Davviriikkaid dáiddagalleriijaid čájáhusain, ja muhtin Norgga, Ruoŧa ja Suoma sámi dáiddáriin. 2020-2022 oastinkonsuleantta guovttos leigga Eva Aira ja Geir Tore Holm.
Čájáhus govvida sámi dáiddáriid iešguđet buolvvaid máŋggabealat muitalusaid čohkkejuvvon estehtalaš ja kultuvrralaš ságastallamii Sámi Dáiddaguovddážis. Čájáhusas lea nana vásáhus gallestallái dan geažil go materialitehta girjáivuohta ovddastuvvo dujiin, ja mediain nugo earret eará málagovaiguin, deaddilemiiguin, fotografiijaiguin, installašuvnnaiguin ja videoin. Galledeaddji bovdejuvvo mátkái visuála historjámuitalusaid, ovdanbuktimiid ja áiggi multimodalitehta bokte mátkái, visot dasa mii deattuha eamiálbmoga sámi dáidaga ja kultuvrra riggodaga.
Ovddastuvvon dáiddárat leat:
Aage Gaup, Agneta Andersson, Anders Sunna, Annelise Josefsen, Anniina Turunen, Arvid Sveen, Aslaug Juliussen, Biret Haarla Pieski, Carola Grahn, Gáddjá Haarla Pieski, Gjert Rognli, Grete Andrea Kvaal, Gunvor Guttorm, Hans Pieski, Hans Ragnar Mathisen, Hilde Skancke Pedersen, Inger Blix Kvammen, Ingunn Utsi, Iver Jåks, Joar Nango, Jukke Rosing, Katarina Pirak Sikku, Katarina Spik Skum, Kristin Tårnesvik, Lada Suomenrinne, Laila Brandsfjell, Lena Stenberg, Lena Viltok, Liselotte Wajstedt, Máret Ánne Sara, Marita Isobel Solberg, Marte Lill Somby, Mary Ailonieida Sombán Mari, Matti Aikio, niilas helander, Nils-Aslak Valkeapää/Áillohaš, Olof Marsja, Outi Pieski, Pauliina Feodoroff, Per Adde, Per Isak Juuso, Tomas Colbengtson, Trond Ansten, Ragna Misvær Grønstad, Rose-Marie Huuva, Silje Figenschou Thoresen, Sissel Mutale Bergh, Stein Erik Wouthi, Susanne Hætta, Synnøve Persen, Victoria Andersson, Xan Krohn.
Čájáhusa rahpanprográmma 25/02/2023 14:00:
Buresboahtima sávvá Marija Griniuk, Sámi Dáiddaguovddáža direktevra
Čájáhuskonseaptta birra muitala Geir Tore Holm
Marte Lill Somby, SDS
Dáiddalaš ovdanbuktin Synnøve Persen
Rahpansártni doallá Sámediggepresideanta Silje Karine Muotka
