ČÁJÁHUS: Sámedikki dáiddaoastimat 2018-2020!
Čajahusáigodat: 13/02 – 04/04/2021
Leat 38 dáidaga maid Sámedikki dálááiggidáidaga ja dáiddaduoji sisaoastinlávdegoddi, Eva Aira ja Geir Tore Holm leaba válljen oastit ruđaiguin maid Sámediggi lea juolludan. Čájáhusas ovdanbohtet njuohtamat, báccit filbma hámis, objeavttat, videoinstallašuvdna, designobjeavttat, sárggastagat, gráfihkka, sákkaldagat ja duodji.
Geir Tore Holm cealká čuovvovaččat válljejumiid ektui:
– Válljemat čájehit sámi dáiddáriid čájáhusdoaimmaid áigodagas, ja čájehit maiddái maid sisaoastinlávdegoddi lea válljen deattuhit. Sisaoastimat galget fátmmastit nuorat dáiddáriid, dáiddahistorjjálaččat dehálaš bargguid ja ollismahttit čoakkáldaga go vurkejuvvojit ja čájehit sajáiduvvan dáiddárvuođa ja miellagiddevaš áigodagain maŋit áigái. Ovddeš sisaoastimat váldojit vuhtii ja ollislašárvvoštallojuvvojit čađat vai dáiddačoakkáldat dássedit šaddá máŋggabealat ja ovddasteaddjin dego ártnagiisán ja fámu ádjagin sámi servodahkii ja earamuđui máilbmái. Lea hui dehálaš sisaoastinortnegii ahte fuomášit ovddes dáidagiid ja dáiddárvuođaid mat eai leat nu olu ostojuvvon ovdal. Okta oassi sisaoastinortnega válddis lea sihkkarastit dehálaš referánsadáidagiid čoakkáldahkii.
Dáidagat leat ostojuvvon sis:
Laila Mari Brandsfjell
Ramona Salo Myrseth
Máret Ánne Sara
Aage Gaup
Britta Marakatt-Labba
Eva Delving Wiklund
Kristin Tårnesvik
Folke Fjällström
Outi Pieski
Raisa Porsanger
Susanne Hætta
Sámedikki dálááiggidáidaga ja dáiddaduoji sisaoastinlávdegotti lahttu 2018-2020 áigodagas
Geir Tore Holm
Eva Aira
Báikkálaš ja nášunála COVID-19 njuolggadusaid geažil eat beasa lágidit rahpandoaluid, muhto mii váldit vuostá eaŋkil galledeaddjiid.
Profiilagovva: Alážis, 2018. Outi Pieski. Govven: EMMA/ Ari Karttunen.
