Filipiinnalaš videoprográmma

13/02 – 04/04/2021

 

Filipiinnalaš videoprográmma sisdoallá čieža videodáidaga. Buvttadeaddji lea Small Projects, čájáhusbáiki Romssas man dáiddárat leat ásahan. Prográmma lea oassin dálááigge videodáidaga guorahallamis Filipiinnas. Leat guhtta dáiddára dán buvttadeami duogábealde, ja sii govahallet dáidagiides bokte otná ođđaáigásaš servodat dili Filipiinnas. Kuráhtor lea Jet Pascua.
Dáiddárat:
Jonathan Olarte, Pat Kay Laudencia, Roberth Fuentes, Isola Tong, Baldemor Bagabaldo og Rico Entico.

Video bistá 31:06 min.

Filipiinna videodáidaga álgu guorrasa ruovttoluotta 1970-lohkui, eksperimentála filbmadahkiide ja sin ovttasbargoguimmiide, duiskalaš filbmadahkkit Harun Farocki, Werner Herzog ja earáide, Manilla Goethe Instituhtta bargobájiide ja filbmačájehemiide, ja Mowelfund (Filbma bargiid foanda) vuođđudeapmái. Dan áigásaš bargovuogit ledje maiddái muhtin muddui báidnašuvvan konseaptadáiddáris ja dáiddaprofessoris, Roberto Chabet.

Small Projects vuođđudeaddji lea filipiinnalaš dáiddár, Jet Pascua, Manilas eret. Čájeheapme lea ovttasbargu gaskkal SDG ja Small Projects.

DÁIDAGAT

1. Hollow Blocks
Jonathan Olarte (1993)
Video lea vazzinmátki muhtun servodagas man muhtin priváhta fidnodat bákkain fárrehii guovlluineaset eret.

2. Passenger
Pat Kay Laudencia (1997)
Mielčuovvo mátkkálaš lea viessan dovddu birra, sirrejumi ja dan balu mii čuovvu ovtta nissonolbmo, su beaivválaš mátkkošteamis Manilla gávpoga čađa.

3. Basura (Waste)
Roberth Fuentes (1992)
Videočájálmas muhtun lágan váttisvuođaid eksorsismas Bantaya sullos, gos dáiddár ássá.

4. The Wrath of Yorac
Isola Tong (1987)
Čujuhus Yorac merkii muhtun filmmas (1992), vuoiŋŋat birrasis. Video lea oassin ráiddus “Trans Interiorities” mas Isola guorahallá daid trans bealatvuođaid, (trans) seksualitehta, ekologiija, vuorrádusaid, intimitehta, sin dili HIV:ain.

5. I’ve Been Here
Jonathan Olarte (1993)
Drámatiserejuvvon dokumentára (((o))) birra, gii viggá beasadit eret dan ođđaáigásaš servodaga boasttooinnolat duohtavuođas.

6. Sins Senses Saints Hiyas
Baldemor Bagabaldo (1993)
Sins Senses Saints eksperimentála video, bággo heiveheapmi servodahkii.

7. Precedence of Life According to Mr. Ped Xing
Rico Entico (1980)
Muhtun beaivi johtalusčuovga stivrejeaddjialbmá eallimis.

 

Profilgovva: Basura (Waste) Roberth Fuentes. Govven: Anita Bjørnback.