Elisabet Alsos Strand guorahallá báber- ja deaddilansuorggi muorravadjosiid ja dáiddárgirjjiid bokte.
Stranda govain oidnojit dávjá davviguovlluid fámolaš bákteeanadagat ja eallindilli jahkodagaid dramáhtalaš molsašumis, skábmaijaid seavdnjadasas ránokeahtes geasseidjan. Su barggut guorahallet maiddái mo min doaimmat čuhcet lundui ja eará šlájaide, maiguin mii juogadit duovdagiid.
Japána dáidaga, omd. haikudivttaid, su barggut dávistit dan láhkai, ahte dain lea beroštupmi ja sympatiija buot luonddu sivdnádusaide, maiddái divrriide. Japána kultuvrrashan atnet árvvus dan, mii bistá dušše bottáža ja mii jávká; ja gudnejahttet buot mii eallá ja harmoniija luondduin.
Strand lea riegádan Muoffis, Norgga bealde, lahka poláragierddu. Mánnávuođas son orui bearrašiinnis vihtta jagi Frankrikkkas ja Madagaskaris. Dán áigge son orru Troandimis.
Strandas lea MFA Bergena dáidda ja designallaskuvllas ja lea nákkáhallan dáidagis Matejko dáiddaakademiijas Krakowis, Polskkas. Son lea leamaš mielde ollu čájáhusain sihke riikka siste ja olgoriikkas.
Su barggut leat oidnosis almmolaš ja priváhta čoakkáldagain, ja son lea ožžon ollu almmolaš dáiddadiŋgojumiid. Son lea álggahan ja koordineren ollu riikkaidgaskasaš ovttasbargguid ja čájáhusaid. Strand lea fitnan máŋgii oahppomátkkis Japánas ja oahpaha jeavddálaččat japánalaš muorravadjanteknihkain.
