Geir Nustad

Mu ruohttasat, mu kultuvra

01.07-17.09.2023

Čájáhusrahpan 01.07.2023 dii 18:00

Geir Nustad čájáhus “Mu ruohttasat, mu kultuvra” suokkardallá su soga ruohttasiid sámi guovllus ja sámi kultuvrras. Nustad lea viidát bargan ja guorahallan sámiid vuoiŋŋalašvuođa ja dábálaš eallima, ja lea dan vuođul ráhkadan golbmaollilaš objeavttaid ja installašuvnnaid, mat leat oktavuođas dainna mo son lea fuomášan iežas sámi árbbi dáiddárin.

Nustada geasuha árbevirolaš duodji, ja dat vuhtto čielgasit su bargguin, maid váldun lea glássadáidda. Su bargguin vuhttojit árbevirolaččat gohppojuvvon juhkanbollut, niibbit ja goavdásat, ja son lea daid dulkon erenoamáš glássabázzin, mat leat oassin su bázzeinstallašuvnnain. Dan láhkai Nustad lea addán dávviriidda ođđa eallima, geavahan daid eará sajis go dábálaš geavahusas ja ovdanbuktán daid ođđa, gelddolaš vugiin.

Okta glássadáidaga áidnalunddot iešvuođain lea, ahte kreatiiva proseassa iešalddes lea seammá mávssolaš go estehtalaš boađus. Danin Nustad ráhkkana doallat čájehanbáji, mas geahččit besset oahpásmuvvat su luovvalaš buvttadanprosessii ovdal čájáhusa rahpama.

Nustada installašuvnnat guorahallet sámiid máŋggadáfot historjjá ja koloniála vássán áiggi, man olis bearrašat leat sirrejuvvon, ja lea cieggan dáhttu doalahit iežas kultuvrra ja árbevieruid. Iešguđet oasit su installašuvnnain ovddastit osiid su persovnnalaš ovdáneamis, go lea gávdnan oktavuođa sámi árbbiinis ja iežas saji dan olis.

Geir Nustadas lea govvadáidaga bachelor Gerrit Rietveld Academie glássaossodagas Amsterdamas, Nederlánddas (2012). Son lea maid searvan glássadáidaga ja design masterkurssaide, earret eará Devide Fuin Glasblaserij, mii lágiduvvui Leerdama National glasmuseumas 2020 ja Martin Janeckys 2016.

Guossi: Silja Skoglund