Čájeheaddji: Hilde Skancke Pedersen ja Kenneth Hætta.
Vuorrolávlla lea vejolaš jorgalit molsašuddi lávllan dahje antifoniijan. Skancke Pedersen ja Hætta leaba dain govain mat dás čájehuvvojit, bargan ovttat govvabajildasain.
Skancke Pedersen guhte lea govvadáiddár ja Hætta guhte lea govvideaddji, leaba goappat guoimmiska dáiddasurggiid rájáid rasttidan, ja nu hástalan rájáid ozadettiineaskka ođđa dovddahemiid. Čájáhusa fáddá, Vuorrolávvla, ii vuolgge duššefal dáiddáriid dovddahemiid ovttasčuodjamis, muhto maiddái máilmmi álgoálbmotkultuvrraid oktasaš dovddaldagain, nugo omd. oktasaš vuorbbis ja váikkuheaddji kulturdovddahemiin.
Juohke dáiddabargu lea sierranas álgoálbmotguovlluin vuolgán musihkas, oinnolaš kultuvrras, luonddus ja eallindilálašvuođain, ja lea nammasuvvan dihto álgoálbmotguovllus dahje báikkis mas álgoálbmogiidda gulli olbmot ásset. Soai leaba geavahan máilmmi máŋggalágan guovlluid musihka vai soai dolvvohallaba dasa maid lea vejolaš govvidit abstrákta govvareiven. Dan musihka olbmot sáhttet muosáhit maiddái čájáhusasasge.
