Oza buvttadan stipeandda

Almmuhat buvttadanstipeanddaid govvadáiddáriidda Sámis jagi 2019

Sámi Dáiddaguovddáš (SDG) almmuha 2 buvttadanstipeandda ohcanláhkái govvadáiddáriidda geat háliidit bargat prošeavttaiguin dihto sajis (olgun dahje siste).
Lea Bildende Kunstneres Hjelpefond (BKH) mii ruhtada stipeanddaid ja SDG juohká daid.

  1. Stipeanda – sturrodat NOK 50 000,-
  2. Stipeanda – sturrodat NOK 50 000,-

Buvttadanstipeandda sáhttá ohcat Sámi Dáiddačehpiid Searvvi (SDS) miellahtu dahje dáiddár geas lea sámegullevašvuohta. Ohccis ii gáibiduvvo SDS miellahttovuohta, muhto galgá dáiddaoahppu/duogáš mii gealbudahttá miellahttuvuođa davviriikkalaš dáiddár- organisašuvnnaide.

Muđui liige eavttut ohcamii:

  • Prošeavtta álggaha dáiddár gii maiddái ohcá heivvolaš prošeaktasaji mii ii leat dábálašgalleriijalatnja
  • Prošeakta galgá almmolaččat ovdanbuktojuvvot ja almmuhuvvot
  • Ovttasbargoguoimmit sáhttet prošeavttas mielde
  • Liige dahje olggobeale lassiruhtadeapmi dohkkehuvvo
  • Prošeakta galgá čađahuvvot Sámis (earret Ruoššas)
  • Prošeavtta čađahanáigemearri lea golggotmánu 1. beaivi 2019

Gáibádusat ohcamii:

  • Dáiddár galgá duođaštit sámi gullevašvuođa (omd. SDS-miellahttuvuođa bokte dahjeeará láhkái duođaštit)
  • Oanehis prošeaktačilgehus (guhkimusat 1 siidosaš) oktan sárggastusaiguin/goaviguin(eanemusat 3 gova) ja bušeahtta.
  • Diehtu dan birra gos prošeakta geográfalaččat čađahuvvot galgá
  • CV
  • Ohcama oktan duođaštusaiguin sáddet e-postii post@samidaiddaguovddas.no
  • Ohcanáigemearri: juovlamánu 20. beaivi 2018.

Sámi Dáiddaguovddáža dáiddalaš ráđđi árvvoštallá ohcamiid ja SDGa stivra mearrida stipeandajuolludemiid.

Stipeandajuolludeamit almmuhuvvojit SDG neahttasiiddus ja preassdieđáhusain.

Stipeanda máksojuvvo ovdal prošeakta álggahuvvo. Son/sii geat stipeandda ožžot geatnegahttojit raporteret dan geavaheami SDGii, maŋimusat juovlamánu 1. beaivvi 2019.

Jus dus leat gažaldagat stipeanddaohcama ektui – váldde oktavuođa direktevrrain Kristoffer Dolmeniin SDGas, e-poastačujuhus kristoffer@samidaiddaguovddas.no