Čájeheaddji: Siri Hermansen.
Rahpandoaluid oktavuođas beassat gullat girječálli Marion Palmer lohkame girjjistis ja konsearta Mari Boine:n.
Siri Hermansena dáidda guoskkaha gažaldagaid fámu, vuoigatvuođaid ja identitehta, earenoamážiid nationála politihka ja máilmmiviidosaš kapitalisma hárrái. Viiddis ja árvvas sierračájáhus True North Sámi Dáiddaguovddážis guoskkaha ja gieđahallá áigeguovdilis ja dálááiggi gažaldagaid Sápmái ja sámi kultuvrra hárrái.
Luondduvalljodagaid joatki ávkkástallan ja ođđakolonialisttalaš politihkka Sámis ja davvi Fennoskándias lea guovddážis Siri Hermansena čájáhusas True North (Duohta Davvin). Videobargguin, govain, objeavttain ja installašuvnnain guorahallá Siri Hermansen riiddu gaskal boazoealáhusa ja ruvkeindustriija, gaskal sámi kultuvrra ja daid nationálastáhtaid mat leat kolonialiseren Sámi. Okta guovddášsajádat ja okta fáddá Gonagas Haralda virggálaš ándagassii rávkama Sámi álbmogis 1997 Sámedikki rahpama oktavuođas.
Video Terra Nullius lea seamma áigeguovdil go máŋgačuođi jagi guhkes riidu gaskal ruvkeealáhus ja dan olis industrialiserema ja nuppi bealde ge boazoealáhusa ja sápmelaččaid vuoigatvuohta eatnamiidda dat nubbe motiiva. Jus atnit vuođđun Giruna ruvkeservodaga, gos ruvkeekonomiija lea nu gievra ahte olleš gávpot ferte sirdojuvvot, nu movt Terra Nullius dan geažuha. Sáhkkehallamiid bakte, dutkamis birrasiid ja eanadagaid, ja dárkomat oassálastima bakte govvida vuostálasvuođa gaskal árvovuogádagaid eallinárvvuid. Video Addet Ándagassii / lea dáruiduhttinpolitihkka maid čuozai sápmelaččaide, eatnamiid ja ábiid ávkkástallan, ja váilevaš eamiálbmotvuoigatvuođat davviriikkaid. Okta earenoamáš fáddán lea Gonagas Harald V´s rahpansárdni Sámedikkis jagi 1997;s, go gonagas, Norgga stáhta ovddas rávkkas ándagassii vuoigatmeahttunvuođaid maid sápmelaččat leat šaddan gillát.
Gonagas Harald sárdni ándagassii rávkama birra lea maiddái fáddán dárkkuheaddji ja jurddašeaddji latnjainstallašuvdna UNNSKYLD/TILGIVELSE oktan neončuovgga galbbain, lávvomuorat teavsttain ja objeavttain, mas dat guokte sáni – ja doahpagat – govvidit iešguđetge beliid virggálaš ándagassii rávkamis ja cealkámušas. Hermansen čujuha Addit Ándagassii/Unnskyld til Ole-Heandarat Maggai mii muittuha viehkaga das go geardduha ándagassii addojumi. Govvaráidu Ruptures – Studies of Girjas – lea dutkamuš olbmuid ráhkaduvvon eanadagas Girona birrasis ja dan vuostálasvuohta lunddolaš eanadahkii. Go dovdá eanagierraga dego eanadaga liikin visualiserejuvvo eanadahkan mas leat ráiggit eatnan sisa, rágut ja riđut maid ruvki eatnanvuoledoaibma lea dagahan.
Siri Hermansen bargá filmmain, govain, objeavttain/bácciiguin ja installašuvnnaiguin. Son lea aitto gárvvistan soločájáhusa Internasjonales Künstlerhause Villa Concordia Duiskkas. Jagi 2015:is, son čájehii bargguidis Nasjonalmuseet Oslos, The 14th International Seoul New Media Festival ja Art Stations Foundation 5050 Poznan:is. Son lea searvat sierra- ja joavkočájáhusaide Norggas, Ruoŧas, Australias, Italias, Suomas, Singapores ja Benin:as. Hermansen oahpu gazzan Parisas MFA:in L`école Nationale Supérieure des Beaux-arts de Parisas. Son lea áitto loahpahan doavttirgráda stipendiáhta prográmmas dáiddalaš ovdánahttinbarggut Dáiddaallaskuvllas Oslos.
Eanet dieđut ja preassaávdnasat, váldde oktavuođa Jan-Erik Lundström:in, Sámi Dáiddaguovddážis, +47 90244062, +46 72 5188238, post@samidaiddaguovddas.no; janerik.lundstrom@gmail.com
