Čájeheaddji: Per Isak Juuso.
Per Isak Juuso lea badjel 20 jagi bargan innovašuvnna ovddas duojis / sámi giehtadáidagis, ja son lea njunnošis dáidaga ja duodji /ođđaáiggi sámi giehtadáidaga ovdánahttimis.
Su bargguin lea árbevirolaš duodji vuođđun ja lea adnán metálla, muora, čoarvvi ja tekstiilla, ja máŋggaid buolvvaid vásáhusaid vuođul lea Per Isak Juusos earenoamáš máhtolašvuohta ávdnasiid ja teknihkaid birra. Go ovttastahttá hearkivuođa mii lea symbolalaš dahje metaforalaš hámádagain de lea bargguin sihke doabalaš ja dáiddalaš čábbodat.
Su iežas kulturárbevierut, inspirašuvnnat mátkin ja mokta ja áigumuš iskkadit ávdnasiid vejolašvuođaid, de lea Per Isak Juuso ovdánahttán iešlágan dáiddahámádaga. Ráidu Ve-Mod, mas leat badjel 100 čuolahusat mat lea hábmejuvvon dávttis ja soagis, son duođašta árbemáhtu ávdnasiid ja hearkivuođa estetihkas ja konteavsttas, mii lea erenoamáš su ovdanvázzi bargguin. Hárvenaš ávnnaslotnolasvuođat, minimalisttalaš ja vuohkadit čađahuvvon, ja mat fáttálaččat guoskkahit olbmuidgaskasaš gaskavuođaid. Hámádat su bargguin nannejuvvo várrogas čađaheamis, ja máŋggabealatvuohta mii lea su dáiddabargguin duođaštuvvo ávdnasiin ja sisdoalus.
Per Isak Juuso (r. 1953) lea riegádan, orru ja bargá Nearvvas (Märtajärvvis). Su váhnemat ledje boazosápmelaččat ja Per Isak oahpai sudnos duddjot. So čađahii lassioahpu metálla ja hábmensurggiin, earret eará tekstiiladáiddára Wanja Djanaieff oahpus. Lassin dáiddabargui ja dan olis čájáhusat sihke sisriikkalaččat ja olgoriikkain, de lea son maiddái bargan duodjeoahpaheaddjin Sámiid Álbmotallaskuvllas Johkamohkis ja Sámi Allaskuvllas Guovdageainnus. Per Isak Juusos dáiddabargguid leat stáhta ja eará almmolaš ásahusat oastán ja lea maiddái oston priváhta vuorkkáide.
