Čájeheaddjit:
Seminárii bearjadaga borgemánu 23. beaivvi dii: 11:00-15:30
Ovttas Kemi Art Museain lágida Sámi Dáiddaguovddáš riikkaidgaskasaš ovttasbargoprošeavtta: Northern Beauty, Barents Visual Arts 1970:is ja 1980:is.
Fierpmádahkii gullet Kemi Art Musea, Lappi Universitehta The Art Promotion guovddáš Suomas, Konsthallen Lulejus Ruoŧas, Sámi Dáiddaguovddáš Kárášjogas, Norggas ja Regional Museum of Art Murmánskkas Ruoššas.
Juohke dáin riikkain servet dáiddárat čájáhussii lassin dáiddáriidda doalloriikkas, ja dasa lassin maiddái seminára. Norgga lávdegoddi lunddolaččat válljii dáiddáriid Máze-joavkkus mii ásahuvvui 1978:is, mii lei Sámi Dáiddasearvvi vuolgga, ja joatkašuvai gitta dassážii go SDG ásahuvvui 1986:s.
Dán áigodagas ČSV, sámi alfabehta adnojuvvon golbma bustáva, oaččui viiddis sisdoalu ja čilgehusa, ja adnojuvvojit sámepolitihkalaš barggu govastahkan.
Sohkavuohta gaskal sámi dálááiggedáidaga ja politihkalaš aktivisma lea nanus. Dan historjjálaš duogáš lea badjel 40 jagi guhkes politihkalaš dáistaleamis vuoigatvuođaid ja dásseárvvu ovddas mas sámi dálááiggedáidagis čađat lea leamašan guovddáš sajádat.
1970-logu kulturdáistaleapmi, dáistalankultuvra lea ain vuođus dálááiggi jurddašeamis ja doaimmain. Borgemánu 23.beaivvi dii: 11:00 bovde danin seminárii.
Seminárajođiheaddji lea John Trygve Solbakk. Logaldallit leat Maaike Halbertsma, Andreas Hoffmann ja Anders Sunna.
