Marte Lill Somby (r. 1987) lea oahpu gazzan Romssa Dáiddaakademiijas, Kunstakademiet i Tromsø.
Somby oaivadusgáldut leat luondu, kultuvra ja identitehta, ja bargá sihke govain, čállimiin, bázzeinstallašuvnnain ja sárgumiin.
Ávdnasiin maid gávdná luonddus, oažžu son inspirašuvnna ja hutkáivuođa duddjot dáidagiid mat čatnasit rupmašii ja millii.
“Mátkkoštan okto,” čájáhusa bokte besset geahččit čuovvut dan mátkki mii lea čuohcan Somby eallimii.
Somby lea olu jagiid luonddu ávdnasiiguin guorahallan iežas identitehta, geđggiid, guossamuoraid, sisttiid, báhpáriid ja dávttiid bokte, ja maidda son čatná veahkaválddálašvuođa, mielladearvvašvuođa ja jápmin fáttáid. Čájáhusas buktá son ovdan reflekšuvnnaid ja jurdagiid iežas eallima vásáhusain.
Somby dáidagiid leat olu ásahusat oastán, earret eará New York Public Library, norggabeale Sámedikki dáiddaoastinortnet, NRK, Romssa ja Finnmárkku fylkkagielda. Su dáidagat leat maiddái gávdnamis Dronnet Sonja DáiddaStállja-čoakkáldagas. Somby lea oassálastán moanaid čájáhusain sihke Norggas ja maiddái olgoriikkas.
