Čájeheaddji: Erica Huuva Simma
Erica Huuva Simma lea sámi gollerávdi ja čikŋahutki. Son lea riegádan ja bajásšaddan Liehittäjä nammasaš báikkis Duortnosleagis, muhto ássá dál Ađavuomis Gárasavvnona olggobealde Ruoŧas. Doppe son hutkáivuođain ráhkada ođđa čiŋaid iežas sámi duogáža vuođul. Jagi 2001 son ráhkadii iežas Eallit nammasaš ráiddu vuosttamuš čiŋa, mas leat bohcco, sarvva, albasa, guovžža, neađi ja geatkki luottat.
Nugo son ieš dadjá: Mun háliidan stuorát servodahkii gaskkustit buot daid čábbodagaid mat leat min kultuvrras. Mun anán sámi kultuvrra ealli kultuvran mii álo lea nuppástuvvamin. Kultuvrra ođasmahttin mearkkaša ahte olmmoš dahká dan iežas opmodahkan. Ealáskahttit árbevieruid gáibida olbmos máhtu ja árvvusatnima das maid min sámi máttut leat buktán áigái ja atnán ávkin. Maid mii odne ráhkadit šaddá min mánáid árbin. Dat šaddet leat sin árbevierrun maid siigis sáhttet ođasmahttit ja dahkat iežaset opmodahkan.
