DÁIDDAOASTIMAT  2016 – 2018

Buresboahtin sisaoastinkonsuleanttaid neahttačájáhussii Dáiddaoastimat 2016 – 2018

Sámedikki sisaoastinortnet sámi govvadáidagii ja dáiddaduodjái

Čájáhus sisdoallá 71 objeavtta. Lea Sámi Dáiddačehpiid Searvvi mii evttoha lahtuid, ja Sámediggi nammada sisaoastinlávdegoddái lahtuid guovttejahkái háválassii. Dán áigodagas leamašan konsuleantan Hege Annestad Nilsen (govvadáiddár), Randi Marainen (duojár), Viggo Pedersen (várrelahttu), Folke Fjällström (várrelahttu) ja čálli Gry Fors Spein. Dáidagiin ja duijiin, ostojuvvon Sámedikki dáiddačoakkáldahkii, boahtá ovdan stuorra viidodat bargoteknihkas ja ovdanbuktimis, ja govvidit sámi dáiddáriid ja duojáriid girjás bargovugiid.

Sámedikki dáiddačoakkáldaga, birrasii 1112 objeavtta, hálddaša RiddoDuottarMuseat – Sámi Dáiddamagasiidna. Čoakkáldat lea sturron moanaid jagiid badjel, doaivagiin sierra Sámi Dáiddamusea ceagganivčče.

 

Dáiddárat čájáhusas

Arnhold Johansen, Astrid Gustafsson, Bente Geving, Eva Aira, Fia Kaddik, Hanne Grethe Einarsen, Hans Ragnar Mathisen, Jon Utsi, Jöran Österman, Jørn Magnus Rivojen, Katarina Pirak Sikku, Lars Pirak, Liv Engholm, Mathis Nango, Miriam Länta, Monica Edmondson, Nils Arvid Westerfjell, Per Isak Juuso, Per-Stefan Idivuoma, Randi Marainen, Thomas Magnusson, Tomas Colbengtson, Trygve Lund Guttormsen

 

Dáiddačoakkáldat gaskkusteapmi ja dát čájáhus lea ovttasbargu gaskal RiddoDuottarMuseaid ja Sámi Dáiddaguovddáža.

 

Liŋka RiddoDuottarMuseaid neahttačájáhussii

 

Sámedikki dáiddaoastimat áigodagas 2018 – 2020 ovdanbohtet čájáhusas mii rahppojuvvo Sámi Dáiddaguovdážis guovvamánus 2021s.

 

Govva: Per Isak Juuso – Guksi, 2016, dáiddaduodji, hervejuvvon ealggačoarvi – 2,8cm x 10cm x 6cm. Govven: govvejeaddji Michael Miller.