Conventus

Sámi Dáiddaguovddáš bovde čájáhusrahpamii lávvardaga suoidnemánu 13. beaivvi diibmu 18.00.

Čájáhusas deaivvadit iešguđet áigodaga ja máŋgga buolvva dáiddára, John Savio (r. 1902) rájes, gitta Ragna Misvær Grønstada (r. 1984) rádjai, ja sii buohkat barget viidát deaddilan/gráfihkkateknihkaiguin. Čájáhusnamma Conventus lea vižžon Geir Tore Holma muorravadjosis, ja sánis sáhttet máŋga mearkkašumi, nu go dát guokte; deaivvadeapmi ja čoagganeapmi.

Dáiddárat
Tomas Colbengtson, Eva Eira, Aage Gaup, Ragna Misvær Grønstad, Trygve Lund Guttormsen, Geir Tore Holm, Arnold Johansen, Ánddir Ivvar Ivvár/Iver Jåks, Oddmund Kristiansen, Hans Ragnar Mathisen, Inga Nordsletta Pedersen, John Savio, Katarina Pirak Sikku, Lena Stenberg ja Kristin Tårnesvik.

 

Norske Grafikere organisašuvdna ávvuda 100 jagi 2019s, ja dan ávvudeapmin lágiduvvojit čájáhusat miehtá riikka, ja mat olles jagi bidjet fuomášumi deatta/gráfihkkadáiddasuorgái.

Čájáhuskurateren lea Sámi Dáiddaguovddáža ja Se Kunst i Nord-Norge ovttasbargu. Kuráhtorat leaba Kristoffer Dolmen ja Elise Cosme Hoedemakers.

Boahtalaga čájáhusain SDGs, čájeha maiddái RDM-Sámiid Vuorká-Dávvirat (RDM-SVD), Kárášjogas, deaddilan/grafihkkačájáhusa. Lassi RDM-SVD čájáhusdieđuid gávnnat www.rdm.no neahttasiiddus.

Čájáhus lea ovttasbargu gaskal Sámi Dáiddaguovddáža ja RDM-Sámi Dáiddamagasiinna Kárášjogas. Čájáhus lea maiddái oassin prošeavttas Sámi metoda dáiddagaskkusteamis 2019 – 2021 , man earret earáid Norgga Kulturráđđi (Norsk Kulturråd)) lea ruđalaččat dorjon.

Čájáhusáigodat: 13.07. – 08.09.2019.

Buresboahtin!