Golggotmánu 29. b. dii. 12.00 dáiddalaš ságastallan Per Isak Juusoin. Lágideapmi lea sámi giellavahku oassin.

Per Isak Juuso lea badjel 25 jagi duddjon, ja lea njunnošis dáid mediaid innovašuvnnas.

Čájáhusas leat duoji dáiddaobjeavttat main atná ávdnasiid nugo metálla, muora, čoarvvi ja sistti. Per Isak Juuso bidjá oktii máŋggalágan ávdnasiid ja visuála muitalusa árbevieruid, materiálitehta ja teknihka birra.

Per Isak Juuso (r. 1953) lea riegádan, ássá ja bargá Nearvvás Ruoŧas. Son lea bargan Sámi oahpahusguovddážis Johkamohkis ja Sámi allaskuvllas Guovdageainnus. Per Isak Juuso bargguid leat oastán almmolaš čoakkáldagaide Norggas ja Ruoŧas, ja priváhta čoakkáldagaide.