Oza buvttadanstipeandda
Almmuhus: Sámi govvadáiddáriid buvttadanstipeanda 2024
Sámi Dáiddaguovddáš (SDG) almmuha 4 buvttadanstipeandda, guhtege 50 000 NOK, govvadáiddáriidda geat háliidit bargat dihto sadjái čadnojuvvon prošeavttaiguin (olgun dahje siste) Sámis. Stipeanddaid ruđa lea juolludan Bildende Kunstneres Hjelpefond (BKH) SDG:i. Buvttadanstipeandda sáhttet ohcat dáiddárat, geat leat SDS miellahtut dahje geain lea sámi gullevašvuohta.
Ohcamuša eavttut:
Dáiddár ferte čujuhit iežas gullevašvuhtii Sápmái (eanemustá 1 siidu)
Oanehaš prošeaktačilgehus (eanemustá 1 siidu), mas sáhttet leat sárggástusat/govat (eanemustá 3 gova) ja bušeahtta
Čilgehus gos prošeakta čađahuvvo. Dokumenterejuvvo bovdehusreivviin, maid lea čállán organisašuvdna, galleriija dahje musea
CV
Ohcamuš ja mildosat sáddejuvvojit e-poasttain: soknad@samidaiddaguovddas.no
Ohcanáigemearri: njukčamánu 15. 2024
Ohcamuša sáhttá čállit dárogillii, davvisámegillii dahje eaŋgalsgillii.
Jos dus leat jearaldagat, váldde oktavuođa: marija@samidaiddaguovddas.no
