Ansgar Ole Olsen — Mu Eanadat

Rahpančájáhus 07.10.2023 18.00

Mu Eanadat Várri — Fiervá — Mearra
My Landscape Mountain — Shoreline — Sea
Mitt Landskap Fjellet — Fjæra — Havet

Ansgar Ole Olsen (r. 1952 Ivgus) bargá metállabácciiguin. Son lea bargan pláhttabargguid Romssa Skipsverftet-skiipafitnodagas ja lea váldán dáiddaoahppu Norgga giehtadáiddaskuvllas ja Stáhta giehtaduodje- ja dáiddaindustriijaskuvllas (1982 – 1986).

Olsen ovttastahttá geavahuvvon ávdnasiid, mat bohtet boares mašiinnain, fievrruin, bargo- ja eanandoalloreaidduin ja geavaha modernisttalaš hápmegiela. Bargguin lea ruosttokeahtes, láhkkejuvvon dahje eroderejuvvon stálli ja daid fáddán leat dávvirat, motiivvat ja ávdnasat industriija- ja bargiidhistorjjás ja riddokultuvrras, ja dat leat stiliserejuvvon, abstraherejuvvon ja duhkoraddet hámiiguin.

Olsenis lea leamaš sierračájáhus riikka máŋgga dáiddaguovddážis ja searvan máŋggaid joavkočájáhusaide guovllu- ja riikkadásis. Son lea searvan iežas bargguiguin «Collectii» Victoria & Albert Museumis, Londonis, ja máŋgga eará riikkaidgaskasaš dáhpáhusas. Olsen lea dáiddalaš bargguidis dávjá bargan sihke almmolaš ja priváhta čiŋahemiiguin, nu mo ovdamearkka dihte Sommerlyst nuoraidskuvllas, Romssas, Sámi diehtosiiddas, Guovdageainnus ja Bådådjo girdišiljus.

Olsena bargguid leat oastán Nationálamusea, Nordenfjeldske dáiddaindustriijamusea, Davvi-Norgga dáiddamusea, Norgga kulturráđđi ja Opplándda ja Hedemárkku fylkkagielda. Son orru Østre Totenis ja sus lea doppe iežas bádji.