Dáiddadállu lea mearrediđolaččat bargan dáidda- ja kultursuorggis ja ávvuda 10 jagi 2024:is. Danin háliidat ge dan oktavuođas ávvudit ja čájehit sámi dálááiggedáidaga.

Dáiddadállu lea bovden girjás dáiddárjoavkkus ráhkadit ođđa dáiddabuktagiid 10 jagi ávvudeapmái. Dáidagiid bokte bohciidit geahččaladdamat ja kreatiivvalaš rájáid sirdimat, mat dahket gelddolaš dáidagiid.

Dáiddadálu 10 jagi ávvudeami olis leat dáiddárat maid ráhkadan almmolaš dáidagiid Guovdageainnus. Dát dáidagat ovddastit Guovdageainnu, báikki álbmoga ja duogáža.

Dáiddadálu 10 jagi joavkočájáhusas bohtet ovdan máŋga ođđa dáidaga iešguđet hámis ja materiálas. Dáidagat leat fágarasttideaddji ja sisttisetdollet sihke teáhtera, dánsuma, musihka, govvadáidaga ja duoji. Dát mearkkaša ahte čájáhusáigodagas dáidagat vellestaga “eallájit” performánssain.

Dáiddárat:
Anja Saiva B. Bjørnstad, Bernt Mikkel Haglund, Ánna-Katri Helander, Anthoni Hætta, Susanne Hætta, Ann-Sofie Kallok, Hilde Skancke Pedersen, Máret Ánne Sara, Ingá Márjá Sarre ja Anitta Katriina Suikkari ovttasbargoguimmiiguin: Sebastian Björkman, Li Taiga ja Alexandra Wingate.

Dorjon • Support • Støtte:
Dáiddadálu dáiddárguoimmit • Dáiddadálu artist partners

KORO

Kulturdirektoráhtta • Arts and Culture Norway
Guovdageainnu suohkan • Kautokeino municipality
Vásit Guovdageainnu • Destinasjon Sápmi
Finnmark Fylkeskommune