Utstillere: Matti Aikio, Marja Helander, Markku Laakso ja Annika Dahlsten, Outi Pieski, Merja-Aletta Ranttila og Suohpanterror fra Finland; Victoria Andersson, Tomas Colbengtson, Per Isak Juuso, Britta Marakatt-Labba, Lena Stenberg, Anders Sunna og Liselotte Wajstedt fra Sverige; Hanne Grieg Hermansen, Aslaug Juliussen, Inger Blix Kvammen, Odd Marakatt Sivertsen, Joar Nango, Charlotte Nilsen, Synnøve Persen, Marita Isobel Solberg og Ingunn Utsi fra Norge.
Sámi contemporary čájáhusas leat mielde 2010-logu miellagiddevaččamus sámi dáidaga albmaneamit ja dáiddaduojit. Čájáhussii leat bovdejuvvon badjel 20 dáiddára Norggas, Ruoŧas ja Suomas.
Árbevirolaš sámi kultuvrra ja ođđa áiggi ruossalasvuođat leat buorrin vuođđun sámi dáládáidagii. Máŋggat dáiddárat leat šaddan bajás sámeguovllu olggobealde ja ná sis leat dávjá loaččes oktavuođat árbevirolaš sámekultuvrii. Sii suokkardallet sámeidentitehtaset ja sajádagaset sápmelašvuođa ja váldikultuvrra gaskkas. Sii gieđahallet rahpasit ja dávjá maid hui persovnnalaččat daid áššiid, maid kultuvrra čiehká ja gieldá, ja laktet daid oassin dábálaš máilmmálaš gažaldagaid.
Ruvkedoaimmaid lassáneapmi davvin, dálkkádaga rievdamat ja váikkuhusat, ILO-soahpamuša dilli Suomas ja sámeidentitehtagažaldagat leat áigeguovdilis fáttát, maid maiddái dáiddárat kommenterejit dujiideasetguin. Čájáhus lokte bajás gažaldagaid sápmelašvuođas, dan kultuvrra fámus ja rollas máilmmis, mii rievdá olles fártta ja sakka.
Čájáhusa oktavuhtii gullet čájáhuskataloga, seminára ja bargobájit mánáide ja nuoraide. Čájáhus johttá Roavvenjárgga maŋŋá Ruoŧa beallai Norrbottena museai Luvllájai ja lea doppe 18.6–24.8.2014. Sámi dáiddaguovddážis Kárášjogas čájáhus lea 14.11.14–4.1.2015.
Čájáhusa kuráhtorat leat Lappi universitehta dáiddahistorjjá professor Tuija Hautala-Hirvioja, Sámi dáiddaguovddáža jođiheaddji Jan-Erik Lundström ja Roavvenjárgga dáiddamusea amanueansa Riitta Kuusikko.
http://tempuri.org/tempuri.html
Čájáhusa lea doarjuluvvon:
Samedigge Ruoŧŧa
Norden kulturråd
Jenny and Antti Wihuri foundation
