Čájeheaddjit: Monica Edmondson, Lindsay Seers, Outi Pieski, Roger Mullin, Linda Persson, Joar Nango.
Sámi Dáiddaguovddáš fárre ođđa lanjaide Kárášjohka márkanbáikkis. Mii sávvat bures boahtima árvvas resurssaide –vuostáiváldibáiki mas lea kafea ja čohkkánsajit, gávpi mas vuovdit sámi dáidaga, dáiddagirjjálašvuođa, čoahkkin- ja konferánsalatnja, jietnastudio ja dat mii lea buot deháleamos –buori ja ekspansiiva ođđa čájáhuslanjat.
Virggálaš rahpama doaimmaheaba Sámedikki várrepresideanta, Henrik Olsen ja Sámi Dáiddasearvvi jođiheaddji, Marita Isobel Solberg. Rahpansárdni lea direktevrra, Hjøris Kurås bakte. Rahpančájáhusa, Top of the World, rahpama doaimmaha kurator, Jan-Erik Lundstrøm, ja rahpandoaluin lea vejoláš vásihit sihe čájálmasa ja musiha. Doaluin guosit biebmu ja juhkosiid.
Top of the World, rahpančájáhus Sámi Dáiddaguovddáža ođđa vuođu/eavttuid birra geavaha earenoamáš geográfalaš, kultuvrralaš ja eksisteanssalaš vuolggasaji man Kárášjohka ja Sápmi ovddasta. Guhtta riikkaidgaskasaš dási dáiddára čájehit ođđa dáiddalaš bargguid, mat eatnasat leat duddjon dán dilálašvuhtii, rasttildit riikkarájáid, rahpet ođđa vejolašvuođaid ja vuođđuda boahttevaš háliidusaid ja identitehtaid.
Monica Edmondson “A Hundred Migratory” koreografere vuoiŋŋalaš mátki hárvenaš ja eahcálaš lásedávviriiguin, váile čuođi berošteaddji ja eallinmovttegis olbmo leat searvan, mii čujuha badjelgehččojuvvon eananjorbadassii.
Lindsay Seers videoinstallašuvdna govvida mearkkašahtti dáhpáhusa mas boazosámi bárdni, guhte lea riegádan earenoamáš rumašlaš/dálkkaslaš vigiin mii dagaha goabbatlágan čalbmeivnni, ja dasa lassin, ahte lea massán giela, ja dagaha rumašlažžan dahje geasuha mielde dán guovddáš váldooasi mas rumaš ja miellaláhki, siellu ja ávnnas, vuoigŋa ja oažži suddet oktii ja molsot saji, ja maid ii sáhte sirret.
Outi Pieski eanadatdáidda ii leat ovddastupmi, muhto dovddaha iežas dahje vuolgá luonddus, vuostálasvuohta dasa maid oarjemáilmmi luonddu/kultuvrra erohus njeaidá. Pieski, guhte beroštahttá ja boktá iežas davvi Fennoskándia, Sámi ja sirkumpolára eanadaga, biehttala kultuvrra/luonddu erohusa ja ásaha hástaleaddji seaguhusa ávdnasiin, gávdni buktu ovdalgo sii hupmet dahje celket maidege.
Roger Mullin hámálaš generatiiva ja multimediabuktu lahkona dan seamma árktalaš ja subárktalaš eanadaga, mii nanusmahttá julggaštusa vuolit struktuvrraid ja iešvuođaid, fanaha dan grammatihka ja identitehta.
Linda Persson surgadis čájáhus Nuortabealli (The Nightside) beroštahttá sámi meavrresgári ja bassimuitalusa gabba bohcco birra geasuheaddji suoivvan/dohkkáteáhter mas leat historjjálaš bealit, historjját ja identitehtat.
Joar Nango, vuorru, son čoavdá vistti vihahandilálašvuođa ja čađaha uksaboaldinrituála ja rámpo ođđa vistti, smiehtada daid vugiid movt kultuvrrat namuhit, vihahit ja vuostáiváldet ođđa ássanguovlluid.
Giitit:
Finnmark Fylkeskommune
Sametinget i Norge
Karasjok kommune
Linda Persons oasis čájáhusas giitit maiddái:
Kulturfonden för Sverige och Finland
Nordic-Baltic Mobility Programme
Konstnärsnämden
Längmanska Kulturfonden
