Marita Isobel Solberga Laponis Metaphoris de Mara/E (Mearrasámi Metaforat/E), lea oassi čájáhusas Čájet Ivnni: Vuostálastte, Čuožžil, Ovddit. Čájáhusa lea ain Kárášjogas (09/12/2017- 11/02/2018).
Mu vuolggasadjin lea historjá, dálá áigi ja guovlu gos lean eret. Go deaivvan olbmuid ja ođđa báikkiid, de ráhkadan iežan govaid ja/dahje metaforaid.
Ođđa rituálaid áigái, mas mii eallit.
Marita Isobel Solberg
Čájet ivnni: Vuostálastte, Čuožžil, Ovddit lea čájáhus, mainna SDG ávvuda, ahte leat vássán čuohte jagi vuosttaš sámi riikkačoahkkimis 1917. Čájet ivnni čájehuvvui vuos Troandimis, dasto Tromssas, ja dál Kárášjogas. Prošeakta johtá ja rievdá, ja sisdoallu lea earálágan juohke čájáhusbáikkis. SDG:s beassá buohtalagaid čájáhusaiguin ja installašuvnnaiguin vásihit lohkamiid, performánssaid ja govaid ráhkadeami olgun.
Marita Isobel Solberg bargá dáidaga, eallima ja diehtaga rádjeguovllus, ja váldun su barggus leat jienat, performánssat ja installašuvnnat. Son lea bajásšaddan Olmmáivákkis – Davvi-Romssa vákkis, gos mearrasámi árbi lea nanus – ja dat lea máŋgga láhkai váikkuhan su dáiddabargui. Solberga dáiddárvuhtii lea mihtilmas performánsadáidda, man njuolggočoalát ja rehálaš persovnnalaš ovdanbuktinvuohki dohppe fárrui gehččiid nana vásáhussii. Vásáhusat sápmelažžan, nisun ja olmmožin suddet oktii su eksplosiiva ja ekspressiiva dáidagiin.
