Mii bovdet ovttas Davvi Lávddiin konsertii duorastaga golggotmánu 14. beaivvi diibmu 19.00 Sámi Dáiddaguovddážii.
Uvssaid rahpat diibmu 18:30 – lihpuid vuovdin álgá.
Konsearta bistá sullii diimmu.
Konsearta gudnejahttá nisson rolla ja sajádaga sámi servodagas!
Sáráhkká lea sámiid dološosku nissonipmil, gii várjalii ogi eadni heakkas, veahkehii áhpehemiid ja riegádahttimiid. Sus lei guovddáš rolla sivdnideames ja riegádahttimis, ja lei okta daid ipmiliin mat ledje guovddážis sápmelaččaid árgabeaivve eallimis. Sámi kulturvrras lea nissonis nanu sájadat árbevierroguoddin, go dat lei nisu gii fievrridii juoigama, ja maiddái dan giela maŋisboahtti buolvvaide go juoiggai njuoratmánáide. Sáráhkká prošeavttain háliidat ahte sámi nissoniid jietna ja historjá galgá gullot ja seammás maiddái bajidit Sámi iešguđet guovlluid árbevirolaš juoigama árvvu.
Dát buvttadeapmi lea riegádan min iežamet riikaoassejuoigi Ingá-Máret Gaup-Juuso ja Patrick Shaw Iversena ovttabarggus ja gudnejahttá nissonrolla ja sajádaga sámi servodagas.
Oasálaččat
Ingá-Máret Gaup-Juuso – juoigi/vokála
Patrick Shaw Iversen – njurggonasat/elektronihkka
Harpreet Bansal – fijuvla
Kenneth Ekornes – rumbbut
Lihput ja hattit
Lihpuid vuovdin uvssas dii. 18:30 dassái konsearta álgá.
Máksin: VIPPS 513659 dahje bánkokoarttain
Ru. 150,- Mánát/Nuorat/Penšonisttat/Honnevra
Ru. 200,- Rávisolbmot
Lágideaddjit: Davvi Lávdi ja Sámi Dáiddaguovddáš
Govva: Sannamari Blinnikka-Tyrväinen
