Sámi Dáiddaguovddáš sávvá galledeaddjiide buresboahtima suoidnemánu 4. beaivvi tiibmu 18:00. Dalle rahpat fas uvssaid geassečájáhusain “Bistilis ja beaktilis feaddáduddjon” mas duodji guovdálastá.
Feaddáduoji sierralágan duddjonvuohkái badjána eanet aht eanet beroštupmi. Feaddá duodjekurssaid lágideamit lassánit, ja nuorra duojárat hutket dađis ođđa vugiid mo feattá sáhttá geavahit duoji hábmemis, ovdamearkka dihte beallje- ja čeabetčiŋain, ja maiddái eará čiŋgain. Duojárat fievrridit seammás dan árbevirolaš duddjonvuogi viidásat lihtiid, koriid ja skáhppuid duddjomiin, ja mii lei dábálaš ovddeš áigge.
Dán geasi háliida Sámi Dáiddaguovddáš čalmmustahttit dán duoddjonvuogi ja daid čalbmáičuohci feaddádujiid, duddjojuvvon gierdevašvuođain ja nana čeahpes gieđaiguin. Čájáhus lea buvttaduvvon ovttas RDM-Sámi Dáiddamagasiinnain mii čájeha dáidagiid čoakkáldagas ja Várjjat Sámi museain Unjárggas, gos leat luoikkahan dáiddadujiid. Sámi Allaskuvla Guovdageainnus oassálastá maiddái dán ovttasbargui professor Gunvor Guttorma bokte. Son lea čállán teavstta, addán jearahallama ja luoikan iežas duijiid. Dáppe leat maiddái ođđasat feaddáduojit.
Duojárat čájáhusas
Hjördis Löfgren, Margit Kitok Åstrøm, Gunhild Tjikkom, Fia Kaddik, Ellen Kitok Andersson, Tyyne Domna Foronoff, Elle Valkeapää, Matleena Fofanoff, Vladimir Seljutin, Katarina Spik Skum, Hanne Mikalsen, Anna-Stina Svakko, Gunvor Guttorm
Čájáhusáigodat 04.07. – 27.09.2020
Govva: SVD-da 0163 Åstrøm, Margit Kitok, 1925, Lohkkelihtti, 1985. Soahkeruohttasat ja čoarvebuollu, 16 x 24 cm.
Govva luoikkahuvvon RDM-Sámi Dáiddamagasiinnas.
