REFLEKŠUVNNAT // Rose-Marie Huuva

Rana Kunstforening rahpá Rose-Marie Huuva čájáhusa “Reflekšuvnnat”  skábmamánu 7. beaivvi diibmu kl. 14.00.
Čujuhus:
Moment, Midtre gate 1, Måeffie

Čájáhusáigodat 7. – 25.11.2020

 

“Reflekšuvnnat” čájáhusas bohtet ovdan Huuva dáiddabarggut dahkkojuvvon 30-jagi badjel, 1980-logu rájes gitta jagi 2000 rádjai. Čájáhusnamma muitala ahte áigi dahká vejolašvuođa geahčastit ruovttoluotta, fáttáide dáiddárvuođas ja dáidagiid heiveheami čájáhussan. Huuva berošta sakka duoji ávnnasgeavaheamis. Dáiddára barggut reflekterejit beliid sámi historjjás ja iežas identitehtas. Čájáhusas oaidnit dujiid, bácciid ja eará objeavttaid.  Dáiddár geavaha eanaš orgánalaš ávdnasiid nu movt bohcco duoljji ja náhki duddjomis. Dáidagat leat luoikkahuvvon RiddoDuottarMuseat-Sámi Dáiddamagasiinnas ja Davvinorgga Dáiddamuseas.

Rose-Marie Huuva lea aktiivvalaččat bargan govvadáiddárin, duojárin ja girječállin badjiel 50 jagi, ja lea njunožiid searvvis iežas dáiddárbuolvvas. Son lea oahppan tekstiiladáiddár, muhto lea maiddái áiggi mielde eanet bargagoahtán golmmaolat dáidagiin ja hábmen sierralágan bazzeovdanbuktima. Son lea maiddái ávnnasguorahallamiid bokte ovdánahttán ođđa bargomálle ávdnasiin.

Čájáhus lea oassin čájáhus- ja gaskkustanprošeavttas  “Voi Voi vi er på utstilling!” – golmmaoasat prošeakta mii sisdoallá 10 čájáhusa mat galget čájehuvvot dáiddárserviid čájáhusalanjain mátta-norggas. Gaskksutanprošektii ja prográmmii gullet dáiddárságastallamat, logaldallamat ja konsearttat. Prošeaktaáigodat lea čakčamánnu 2020 gitta skábmamánnu 2021, ja ulbmil lea viidát deaividit buot ahkohaččain álbmogis.

Čájáhusa lea čohkken ja oktiiheivehan Kristoffer Dolmen, direktevra Sámi Dáiddaguovddážis.

Čájáhusgihpa Rose-Marie Huuva: Reflekšuvnnat

Čájáhusrahpan prográmma Rana Kunstforening:as


Govva: Gieris lieđđi/Ömhetens blomma, 1984. Govven: Dan Mariner.