Buvttadanstipeanda 2023 ovddas govvadáiddáriidda Sámis

Almmuheapmi: Buvttadanstipeanda 2023 ovddas govvadáiddáriidda Sámis

Sámi Dáiddaguovddáš (SDG) almmuha 3 buvttadanstipeandda govvadáiddáriidda geat háliidivčče bargat čájáhusaid dahje prošeavttaid buvttademiin 2023 jagi botta.

Stipeanddaid sáhttit almmuhit Bildende Kunstneres Hjelpefonda (BKH) fápmuduvvon ruđa bokte SDG:i.

3 buvttadanstipeandda, guhtege 50 000 NOK. 

 

Ohcama gáibádusat:

– Oanehis válddahallan mo stipeandda áiggošii atnit (max. 1 siiddu), oktan vejolaš sárggastusaiguin/govaiguin (max.. 3 gova) ja bušeahtta

– Geográfalaččat gos prošeakta galgá čađahuvvot ferte dieđihit

– Šiehtadus čájáhusbáikkiin  mii árbevirolaččat gullá Sápmái (earret Ruošša)

– CV

Eará ohcaneavttut:

– Čájáhusa dahje prošeavtta ferte čájehuvvot almmolaččat ja muitalulit dan birra geahččiide

– Sáhttet leat bargoguoimmit 

– Sáhttá leat eará prošeaktaruhtadeapmi

– Čađahuvvo daid guovlluin mat árbevirolaččat gullet Sápmái (earret Ruošša)

– Prošeakta ferte leat ollašuvvon ovdal 2023 loahpa

 

Ohcan mildosiiguin maŋimustá emailain deike post@samidaiddaguovddas.no

Ohcanáigemearri 30.12.2022.

Sámi dáiddaguovddáža dáiddafágalaš ráđđi árvvoštallá ohcamiid, ja stivra dahká loahpalaš mearrádusa. Juolludus almmuhuvvo SDG ruovttusiiddu bokte ja sierra preassadieđáhusas.

Stipeandavuostáváldiid bovdet lágideapmái Kárášjogas 24.02.23.