Oza buvttadandoarjaga!

Almmuhus: Buvttadanstipeanddat govvadáiddáriidda Sámis jagis 2022

Sámi Dáiddaguovddáš (SDG) almmuha govvadáiddáriid várás 2 buvttadanstipeandda, mat dál leat ohcanláhkai sidjiide geat háliidit bargat čájáhusbuvttademiin dahje prošeavttaiguin jagis 2022.

Lea Bildende Kunstneres Hjelpefond BKH (Govvadáiddáriid Veahkkefoanda) mii ruhtada stipeanddaid maid SDG juohká. Stipeanddat mat addojuvvojit:

1 – Stipeanda NOK 50 000,-
2 – Stipeanda NOK 50 000,-

Buvttadanstipeandda sáhttá ohcat Sámi Dáiddačehpiid Searvvi (SDS) miellahttu dahje dáiddár geas lea sámegullevašvuohta. Ohccis ii gáibiduvvo SDS miellahttovuohta, muhto galgá oahppu/duogáš mii gealbudahttá miellahttuvuođa davviriikkalaš dáiddár-organisašuvnnaide.

Muđui liige eavttut ohcamii:
– Čájáhus dahje prošeakta galgá almmolaččat ovdanbuktojuvvot ja almmuhuvvot publihkkii
– Ovttasbargoguoimmit sáhttet searvat
– Liige lassiruhtadeapmi dohkkehuvvo
– Prošeakta galgá čađahuvvot Sámis (earret Ruoššas)
– Prošeakta galgá čađahuvvot jagis 2022

Gáibádusat ohcamii:
– Dáiddár galgá duođaštit sámi gullevašvuođa ( SDS-miellahttuvuođa bokte dahje eará láhkái duođaštit)
– Oanehis prošeaktačilgehus (guhkimusat 1 siidosaš) oktan sárggastusaiguin/govaiguin (eanemusat 3 gova) ja bušeahtain.
– Diehtu báikki birra gos prošeakta galgá čađahuvvot
– CV

 

Ohcama oktan duođaštusaiguin sáddet deike post@samidaiddaguovddas.no

Ohcanáigemearri miessemánu 2. beaivi 2022.

 

Sámi Dáiddaguovddáš/Dáiddalaš ráđđi árvvoštallá ohcamiid ja SDG-stivra dahká loahpalaš mearrádusa. Stipeandajuolludeamit almmuhuvvojit SDG-neahttasiidduin ja preassdieđáhusas. Stipeandavuostáiváldit bovdejuvvojit dilálašvuhtii Kárášjohkii 28.05.2022.

Stipeanda máksojuvvo ollislaččat ovdal prošeakta álgima. Geatnegahttojuvvon raporteren stipeandageavaheamis SDGii, maŋimusat juovlamánu 1. beaivvi 2022.

Jus leat gažaldagat stipeandaohcamii – váldde oktavuođa SDG direktevrrain Kristoffer Dolmeniin, čujuhus kristoffer@samidaiddaguovddas.no