Ulivia uviluk (Olivia Lya Thomassie) lea máŋggasuorggat dáiddár Kangirsuk, Nunavik, Quebec:as eret. Son bargá filmmain, helmmuiguin, čállá ja eará dáiddamálliiguin. Son lea ásahan Avataq neahttabáikki Tarqitamaat.ca, ja dan oktavuođas lea maiddái jearahallan máŋggaid dáiddáriid 2020 – 2022 ja čállán sin birra neahttabáikái. Son lea neaktán čájáhusas “Épidemie” ja teáhterbihtás Aalaapi, ja lea bargan prošeaktaageantan čájálmasas “Aukkauti” Aaqsiiq:as. Vaikko filbma- ja performancedáidda leat ain dehálaččat ulivia uvilukii, de bargá son dál eanaš govvadáidagiin.
Laila Labba lea Sámi dáiddár ja illustratevra Kárášjogas Norggabealesámis eret. Labba bargá analoga ja digitála sárgumiin, málemiin ja grafihkain. Su dáiddabargguin lea vuođđu sámi kultuvrras ja luonddus. Sus lea bachelorgráda illustrašuvnnas Huddersfield universitehtas jja BA-ovttaskas oahppu Eamiálbmot duodje- ja dáiddadieđus Sámi allaskuvllas Guovdageainnus.
Dál deaivadeaba eamiálbmotdáiddar guovttus Sámi Dáiddaguovddážis, gos sunno čájáhusa sáhttá galledit 15. beaivvi čakčamánu rájes gitta 16. beaivvi skábmamánu 2025 rádjái.
