IN BETWEEN (GASKAL)
Lea čájáhus mas lea johtaleapmi áiggi čađa, dego máhttu ráiggistis čáŋada – gaskal eallima ja
jápmima, muittu ja rupmaša, kosmosa ja eatnama. Muitaleaddji máhccá ruovttoluotta dakkár
dilálašvuhtii gos eana doallá lieggasa ja áigi heaitá leat lineáravuogis. Deattohisvuođas
ovttasdoaibmá heahpatvuohta, átnjal, moraš ja ráhkisvuohta, nu maiddái deaivvadeapmi
jámežiiguin ja iežainis.
Filbma johtá gaskal parallealla máilmmiid gos Sáivu – sadji áiggi olggobealde – rahpá eará
ipmárdusa eallima lohppii mii maiddái lea oassin eallimis.
IN BETWEEN, dahje gaskal, lea poehtalaš guorahallan eallima bottožiin, gos identitehta sáhttá moallanit, speadjalastot ja ođđasis hábmejuvvot, ja das go viimmat beassá leahkit ieš.
Liselotte Wajstedt
(r. 1973:s, Gironis) lea sámi girječálli, bagadeaddji ja govvadáiddár, guhte
bargá fágaidgaskasaččat, filmmain, animašuvnnain ja ávnnasvuođut práksisiin. Su barggut
sisdollet oanehisfilmmaid ja guhkesfilmmaid, sihke fikšuvnnat ja dokumentárat. Son bargá
maiddái objeavttaiguin, sákkaldagaiguin ja installašuvnnaiguin. Guhkesáigásaš dokumentára
lahkonanvugiin son guorahallá politihkalaš vuostálastima, bearašdiliid, árbbi ja identitehta,
dávjá lágaš ja persovnnalaš muitalusaid bokte.
Eksperimentála filbma- ja friddjadáidda duogážiin, ráhkada Wajstedt beaktilis visuála ja
poehtalaš ovdanbuktojumiid muitalusaidisguin, ovttastahttojuvvon realismma-,
subjektiivvalaš-, symbolalaš- ja guoskkahahttibeliiguin. Sihke filmmaid – ja ávnnasvuođut
dáiddabargguid hábmemis, dahká son geardduhemiid, rumašlaš lihkastagaid rupmaša muittu
mielde.
Wajstedt lea bagadallan badjel guoktelot dokumentára ja fikšuvdna oanehis- ja guhkesfilmma.
Maŋemuš jagiid lea su fokus eanet aht eanet sirdásan čállojuvvon fikšuvdnii ja politihkalaččat
vuođđuduvvon muitalusgaskkusteapmái, seammás go son ain doalaha čiekŋalis čanastumi
dokumentáralaš metodaide ja eallima vásáhusaide. Su dáiddalaš práksisis leat dávjá mielde
ovttaskas olbmot ja bearrašat guhte gieđahallet vuogádatlaš deaddaga, jaskatvuođa ja
buolvvaidgaskasaš ovddasvástádusaid.
Sus lea njuohtan-, animašuvdna- ja eksperimentála filbmaduogáš, ja lea čađahan Det
kongelige kunstakademi dáiddaprošeaktaprográmma. Sus lea bachelor oahppu Gotlands
universitetas (2011) konvergeanta mediain, ja lea maiddái čađahan oahpu filbma- ja TV-
ráidduide (2022), Alma Manusutbildning.
Su ođđaseamos filmmas, *In My Hand* (2025), man son lea bagadallan ovttas Marja
Helanderiin, lei vuosttaš čájálmas Göteborg filbmafestiválas, ja Norggas vuosttaš
filbmačájálmas lei Romssa riikkaidgaskasaš filbmafestiválas (TIFF), gos filbma bálkkašuvvui
Tromsøpalmen filbmabálkkašumiin, – Buoremus oanehisfilbman, ja šattai imagineNATIVE 2025 filbmafestivála buoremus oanehis dokumentáran. Su ovddeš duojit leat Sápmis stillhet
(2022), Eadni (čájehuvvon 59. riikkaidgaskasaš dáiddačájáhusas – Venezia-biennálas), Kiruna – Rymdvägen (2013) ja Sámi Nieida Jojk (2007), man Folkets Bio lea almmuhan.
