Čájáhusrahpan 03.07.25 kl. 18:00
2019:s bovdejuvvui Hilde Angel Danielsen čájehit su dáidaga SDG:s. De bođii korona. Korona čuozai dáiddárii, SDG:i, olles máilbmái. Mii bággehalaimet bisánit, leimmet karantenas, šattaimet dahkat válljemiid. Vejolašvuođat jávke, ođđa vejolašvuođat fas bohte sadjái. Korona govččai uvssaid, ja rabai fas ođđa uvssaid. Mo lei du geaidnu epidemiijai? Ja mo lei du geaidnu eret? Danielsen lea dahkan Koronafeaskáriid. Daid – ja máŋgga eará dáidagiid sáhtát don dál vásihit su sierračájáhusas SDG:s.
Seammá áigge go korona bođii, de časkojuvvui Finnmárku fylka oktii Tromssa fylkkain. Hilde Angel Danielsen, gii ieš lea Tromssa fylkkas eret, šattai sáhkkii ođđa ruovttofylkka hárrái. Dán sáhkkiivuođa maid guorahallá iežas dáidagis dán čájáhusas.
Hilde A Danielsen dáiddabarggut bisohallet viiddis dáiddasuorggis, sorjjasmeahttumin dahje dihto báikái gullevaš installašuvnnat ja báccit, mat refererejit sihke arkitektuvrii ja eanadagaide. Danielsen lea oassálastán moanaid dáiddačájáhusain ja fágalašrasttildeaddji prošeavttain Norggas ja olgoriikkain, earret eará Hollánddas, Dánmárkkus, Suomas, Polenis, Stuorra Británnias, Lulli-Koreas ja Austrálias, ja gos son lea huksen stuorra dáidagiid.
2025: s leat sus sierračájáhusat Sámi Dáiddaguovddážis (SDG), dáppe Kárášjogas,
ja Galleri N. Bergslien, Eidfjord, Hardangeris. Son lea ožžon Eidfjord suohkana dáiddárstipeandda, prošeaktadoarjaga Bergen suohkanis ja maiddái Bildende kunstneres hjelpefond (BKH) stipeandda SDG bokte. Boahttevaš dáiddabarggut leat Rena militearaleairras, ja son galgá bargat kuráhtorin maiddái Beardogoržži militearaleairras, Norgga Suodjalusas ja KORO:s (Dáidda almmolaš báikkiin).
Danielsen oassálastá neahtas, Wallstreet Stockholm 2025: s ja CraftHub Tiles and bricks:s, Portugálas. Son oassálasttii IPIHAN#13 bokte Rotterdam Art Week 2024, ja lei mielde Summer AiR 2024 Mottaket, Ålesunddas. Jagis 2023:s lei Danielsen oasálaš Nils Aas dáiddabáji 90-jagi ávvučájáhusas, Muustrøparken, Inderøy, Trøndelágas, ja NordArt 2023:s Büdelsdorf, Duiskkas, ja vel dasa lassin oassálasttii Salangenbiennalen 2023 – IPIHAN #13:s, (If paradise is half as nice) Romssas. Maŋimustá namuhuvvon dáiddadáhpáhus lea šaddan seamma namat dokumentárafilbman. Danielsen searvvai Sculpture by the Sea Cottesloe 2022:s, Perth, ja Sculpture by the Sea Bondi 2022:s, Sydney, Australias. Seamma jagi lei son guossedáiddárin Carss Park, Sydney, Australias.
Su dáidagat leat sihke almmolaš ja priváhta dáiddačoakkáldagain Oslos, Troandimis, Ivvárstáđiin ja Romssa suohkanis; Stockholm leanas, Ruoŧas; Gdansk, Polenis; Southern Highlands, NSW, Australias; ja Sculpture Space, Utica, New York, USA:s.
Dáiddačeahppicealká ná
Áššit maiguin dávjá deaividan iežan bargguin leat sánit ja tearpmat, nugo áigi, sirdin, johtin, ovdanbuktin, lanjádat, báiki, rievdan ja immateriála árvu. Sátnedulkojumiiguin ja daid máŋggabealat mearkkašumiin dagan metaforalaš ja govahalli ovdanbuktimiid. Go anán ávkin oahpes industriija huksenávdnasiid, dahje luondduávdnasiid maiguin čanan ođđa oktavuođaid – de dat rahpet vejolašvuođa smiehttat min iežamet válljejumiid birra, daid maid dahkat min iežamet eallimis, ja dan servodagas gos mii eallit. Sevdnjes humor duođalaš fáttáid birra addet munnje dehálaš bargonávccaid leahket dáiddárin.
Eanet dieđut dáiddár Hilde A. Danielsen birra, NK: https://norskekunsthåndverkere.no/users/hilde-danielsen
