Lene E Westerås lea sámi ja norgalaš govvadáiddár ja girječálli. Go lea jođašan logi jagi Gaska-Nuorttis, de son lea sirddašan ovtta kontineanttas nubbái konglomerahtta čađa básáraid mannequin-ámadajuin ja luottain sohkabáikkis mii lea fas gávdnon. Čatnasat eanadahkii, fuolkevuhtii ja guoskkahallamii leat oasit čájáhusas mas leat fotogovat ja installašuvnnat. Westerås deavdá sihke A ja B sáliid ja measta 300m2 Sámi Dáiddaguovddážis dán čavčča.

Rahpan lea bearjadaga 19. beaivvi čakčamánus dii. 18.00 Sámi Dáiddaguovddážis Kárášjogas.

Čájáhus čuožžu 19. beaivvi čakčamánu rájes gitta 16. beaivái skábmamánus 2025.

Dáiddár lea Sámi Dáiddaguovddážis olles vahku 38 ja lea olámuttos ovddalgihtii šihttojuvvon jearahallamiidda.

Westeråsii sáhttá váldit oktavuođa mátketelefuvnna bokte 975 70 963 dahje epoastta bokte westeraas@gmail.com

SDG beaivválaš jođiheaddjái Line Kalakii sáhttá váldit oktavuođa mátketelefuvnna bokte 916 88 521 dahje epoastta bokte line@samidaiddaguovddas.no