Čájeheaddjit: Matti Aikio, Victoria Andersson, Birgit Askestad, Sissel M Bergh, Ulrika Tapio Blind, Hanne Grete Einarsen, Siw Ekaas, Aage Gaup, Gerd Grimsø, Roald Grimsø, Grethe Gunneng, Josef Halse, Liisa Helander, Aino Hivand, Geir Tore Holm, Per-Stefan Idivuoma, Anita Jakobsen, Annelise Josefsen, Per Isak Juuso, Inger Blix Kvammen, Britta Marakatt Labba, Markku Laakso/Annika Dahlsten, Gerd Lorås, Kine Lorås, Mathis Nango, Hege Annestad Nilsen, Hilde Skancke Pedersen, Heidi Persen, Rannveig Persen, Synnøve Persen, Ingunn Moen Reinsnes, Gjert Rognli, Hanna Råman, Odd Marakatt Sivertsen, Lena Stenberg, Anders Sunna, Anna-Stina Svakko, Lina Maria Viitala, Liselotte Wajstedt ja Eva Delving Wiklund.
ÁIBBAS RABAS (”ALL OPEN”) dálvesaloŋŋii ja ávvočájáhussii.
Áibbas Rabas lea dássážii stuorámus sámi dálá áiggi dáidaga manifestašuvdna. Goassige ovdal eai leat nu ollu sámi dáiddárat deaivvadan seammá čájáhuslanjas. Boađe geahččat erenoamáš valjis kavalkáda, mas lea ođđa dáidda, maid sámi dáiddárat leat ráhkadan Sámi Dáiddaguovddáža 30 jagi ávvudeapmái.
Áibbas Rabas lea čájáhusa namma, mii dál rahppo SDG:s. Oktiibuot njealjalogiokta sámi dáiddára servet čájáhussii, mainna sihke ávvudit SDG 30 jagi ávvojagi ja seammás addit máŋggabealat gova govvadáidagis, mainna sámi dáiddárat barget áiddo dál. Bajilčála čujuha dasa, ahte dáiddárat leat miehtan rabas bovdehussii searvat viiddis manifestašuvdnii. Juohke dáiddár lea ieš válljen guđe dáidagiin son searvá. Mii beassat diehttelasat vásihit dálá dáidaga buot mediaid ja ovdanbuktinvugiid – duoji, njuohtamiid, sárgumiid, foto, video, grafihka, sákkastandáidaga, tekstiilla, mohta, installašuvnnaid ja eanet. Ja maiddái áiggehis dáidaga ja fámolaš intervenšuvnnaid ja kommentáraid dálá servodahkii.
