Mii bovdet skuvlaluohkáid “Ládjogahpir rematriašuvdna – Máhccat eatni lusa” čájáhusofelastimii golggotmánus. Oahppit besset vásihit fiinna ivdnás čájáhusa mii seaguha kulturhistorjjá ja dáidaga. Earret eará besset sii maiddái oaidnit guokte dološ ládjogahpira mat gildojedje ja duššaduvvojedje, semmaláhkai go dat dološ rumbbut.
Fálaldat heive mánáid-, nuoraid- ja joatkkaskuvllaoahppiide. Ofelastin guoskkaha fágasurggiid nu go historjá-, giella-, dáidda- ja duodjefágaide, ja sáhttá maiddái leahkit vuođđun viidásat skuvllabargguide. Maŋŋil čájáhusofelastima leat mis bargobihtá evttohusat maiguin oahppit sáhttet bargat viidásat.p
.
Áigodat: vahku 21/10 – 25/10 ja 28/10 – 1/11.
Áigi: gaskal diibmu 08:30 – 14:30. Mii váldit vuostái eanemusat 3 joavkku beaivái.
Bistá: sullii 45 minuvtta
.
SDG gaskkusta sáme- ja dárogillii:
.
– Čájáhusa man vuolggasadji lea árbevirolaš duodji
– Mo ládjogahppir lea duddjojuvvon – mii geahčadat minstariid ja gahpirosiid
– Erohusa boarrasat ja ođđasat ládjogahpirduojis
– Gahpira historjjá ja dološ muitalusa gahppira birra
– Guorahallanvásáhusa lanjas gos leat olu ivnnit ja hámit
.
“Ládjogahpir rematriašuvdna – Máhccat eadni lusa» čájáhus sidoallá muđui njuohtamiid, gráfihka, fotogovaid, seaidnebáhpáriid, minstariid ja sárgojumiid, boarrasat ja ođđasat gahpiriid.
.
Čájáhus lea ovttasbargu gaskal sámi dáiddára Outi Pieski ja suopmelaš dutki Eeva-Kristiina Harlin.
.
Dat dološ gahpirat čájáhusas leat luoikkahuvvon RiddoDuottarMuseain Sámiid Vuorká-Dávviris ja Guovdageainnu gilišilljus.
.
Oanehaččat ládjogahppira birra
Ládjogahpir lea šođbes, čalbmáičuohcci ja goddjes spupma, man sámi nissonat atne gitta 1800-logu lohppii Sámis, mii dán áigge fátmmasta Davvi-Norgga ja Suoma. Gahpira čuvgoseamos mihtilmasvuohta lea dan ceakkohápmi, mas bajit oassi lea geavllil, lávejuvvon muoras, mii gohčoduvvo fierran, ja mii lei cáhkkojuvvon gahpira láđđi sisa. Sámis muitaluvvo geardumassii, ja lea velá álbmotmuitu, ahte báhpat gilde gahpira atnimis, ja nággejedje ahte beargalat ássá čoarvehámat fieras. Nuba báhpat duoguštedje gahpiriid, ja nugo bassi goavdásatge, de galge gahpirat boldojuvvot.
.
Dieđit čájáhusofelastimii deike post@samidaiddaguovddas.no
.
Gážáldagaid vástida
Anita Bjørnback, prošeaktakoordináhtor – gaskkustanvásttolaš
Tel +47 902 97 890
