Seminára: A Greater Miracle of Perception: The Kárášjohka Iteration

Buresboahtin vahkkoloahpa nuvttá seminárii mii álgá Sámi Dáiddaguovddážis bearjadaga 20/9 dii. 19:00!
.

A Greater Miracle of Perception: The Kárášjohka Iteration lea goalmmát lágideapmi almmolaš dáhpáhusaid ráiddus, maid Miracle Workers kollektiiva lea ráhkadan Suoma našunála paviljoŋga várás 58th International Art Exhibition – La Biennale di Venezia oktavuođas. Kárášjoga lágideamis ságastallat viidáseappot vugiid birra, mo máhcahit Sámi dávviriid, kollektiiva dálkkodeami birra ja immateriála diasporalaš arkiivvaid birra, mat guoskkahit dálá dáidagii.

Dáhpáhus gullá golmma beaivvi čoahkkaneapmái, mii lágiduvvo ovttasbarggus Sámi Dáiddaguovddážiin. Doarjagiid leat juolludan Sámediggi, Suoma ja Norgga Goethe-instituhtat, Suoma-Norgga kulturinstituhtta ja Office for Contemporary Art Norway – OCA.
The Kárášjohka Iteration ovdii leat bargan kollektiivva lahtut Maryan Abdulkarim, Giovanna Esposito Yussif, Outi Pieski, Martta Tuomaala ja Suvi West, ja maiddái bovdejuvvon ovttasbargoguoimmit Eeva-Kristiina Harlin, Niillas Holmberg, Biret Elle Láilá, Jenni Laiti ja Sunna Nousuniemi.

A Greater Miracle of Perception-čájáhusa, mii lei mielde Suoma paviljongas 58th International Art Exhibition – La Biennale di Venezia oktavuođas, lei diŋgon ja buvttadan Frame Contemporary Art Finland.

Semináras geavahit sáme- ja eaŋgalsgiela, ja mii lágidit simultánadulkoma daid gaskka. Seminára loahpahuvvo sotnabeaivvi 22/9 diibmu 15:00.

Oassálastin lea nuvttá –  fertet liikká iežat dieđihit semináraoassálastin e-postii: post@samidaiddaguovddas.no. Namut siđatgo prográmma dáro- vai sámegillii, dahje goappšiid gillii. Prográmma sáddejuvvo sidjiide, geat leat dieđihan iežaset oassálastin ovdal 20.9.
.

PROGRÁMMA
.

BEARJADAGA  19:00 – 21:00

“Rájácummá” čájáhusa/installašuvnna rahpan. Dáiddáriid Niillas Holmberg, Jenni Laiti ja Outi Pieski searvvušlaš birasdáiddaprošeakta
.

“Válddis, veahkaválddis, ráhkesmeahttunvuođas ja ráhkesvuođas ”
Dahkan: Ellen Berit Dalbakk, Helena Partapuoli, Ina-Theres Sparrok, Jannie Staffansson, Jenni Laiti, June Gerd Annmette Johnsen, Lene Cecilia Sparrok, Merethe Kuhmunen, Siri Broch Johansen ja Sunna Nousuniemi

.
21:30 Dj Sunna Máret, Kjells kaféas Kárášjogas

.
LÁVVARDAGA  10:00 – 19:00

Iđitbeaivvi prográmma 10:00 – 13:00:
.

Buresboahtima sávvá Kristoffer Dolmen, Sámi Dáiddaguovddáža direktevra

.

Láidesteapmi A Greater Miracle of Perception -čájáhussii, Giovanna Esposito Yussif, kuráhtor ja Miracle Workers kollektiivva lahttu
.

Eeva-Kristiina Harlin ja Outi Pieski logaldallaba Máttáráhkku ládjogahpir – ruoktot máhcaheami prošeavttas. Soai muitaleaba mo dutkan ládjogahpira, sámi nissongahpira mii lei geavahusas 1800-logu loahpa rádjái

.

Ságastallan: Jenni Laiti, Biret Elle Láilá ja Niillas Holmberg – Buoridit bargguid bokte (Collective healing by collective actions)
Dáiddárat digaštallet Rájácummá searvvušlaš birasdáidaga ja dan proseassa. Mo searvvušdáidda sáhttá fámuiduhttit servošiid, nannet báikkálaš iešmearrideami ja dálkkodit min oktavuođaid čázádagain?

.

Dokumentárafilbma Miltä sopu näyttää Pauliina Feodoroff prošeavtta birra
.

13:00-15:00 Sámi Dáiddaguovddaš guossoha beaiveborramuša

.

Veaigeprográmma 15:00 – 19:00: 

.

Logaldallan Suvi West bokte.
Suvi West lea sámi dokumentárafilbmadahkki, TV ja media buvttadeaddji. Váldo oasit su buvttademiin leat sámi kultuvra, servodat ja identitehta. Muitalusaid muitaleaddjin liiko son dahkaluddat leat  Gieddegašgálgu, dološ sámi vuoigŋa mii diđii ságaid miehtá máilmmi. West áigeguovdil hommá dál lea máinnastan vugiid dekoloniseren ja studeremin oahpu gaskkustit sámevuogi mielde.

.
.
Miracle Workers kollektiivva filbmačájeheapmi The Killing of Čáhcerávga, maŋŋá filmma lea ságastallan gaskal Maryan Abdulkarim, Martta Tuomaala ja Suvi West.
The Killing of Čáhcerávga (2019) – kollektiiva filbmabuktagis leat vihtta oanehis filmmaža, mat muitalit oktiigulakeahtes, oktasaš muitalusa, mas čuorvun- ja vástidanstrategiija vuođul ovdanbuktet politiserejuvvon ságastallama lagašvuođa, lihkasteami ja johtima birra dálá Eurohpás.

.

Ruohttasiid ođđasit vuohttit, ovddeš buolvvaid jienaid ja dajaldagaid čuorvun: Maryan Abdulkarim, Sunna Nousuniemi ja Martta Tuomaala

20:00 (21:00 Suoma áigi) Mállásat Scandic Hoteallas Kárášjogas (juohkehaš máksá ieš)

.

SOTNABEAIVVE 10:30 – 15:00

10:30 Deaivvadit SDG:s ja vuodjit Ássebáktái
.

11:00 – 13:00 Vázzit Ássebávttis. Geahppa vázzinmátki miellagiddevaš kulturbálgá mielde, man guoras leat sihke historjjálaš gávdnosat. SDG direktevra Kristoffer Dolmen láidesta vázzinmátki.

.
14:00 – 15:00 Fitnat Sámiid Vuorká-Dávviriin (Kárášjoga museas). Láidesteapmi čájáhussii: “Anastasia Mozolevskaia (1935-2015) Skilful Hands / DuojárisGieđat”. Čájáhus beakkán gielddasámi duojára, Anastasia Mozolevskaia eallima ja duoji birra. Mozolevskaia barggai aktiivvalaččat Sámi duoji ealáskahttimiin Ruošša bealde.
.
15:30 – 16:30 Uksa rabas Ládjogahppir bargobádjái man Eeva-Kristina Harlin ja Outi Pieski jođiheaba. Báiki: Kárášjoga Dáiddaskuvla.

.