Sámi dáiddaguovddáza (SDG) ođđa direktevra

Kristoffer Dolmen lea SDGođđa direktevra.Son álgii virgái geassemánu 1. beaivvi, mearreáiggevirgái 4-jahkái.
Mun illudan beassat viidásat ovdánahtit dáiddaguovddáža.” cealká son.

Kristoffer Dolmen lea ođđa direktevra Sámi Dáiddaguovddážis (SDG), ja son lea Kárášjogas 23. vahku rájes. Kristoffer Dolmenis lea guhkes dáidda- ja kultursuorge duogáš Davvi norggas, ja son boahtá dáidda- ja kulturráđđeaddivirggis Nordlándda fylkkasuohkanis.

Mu sávaldat lea ahte Sámi Dáiddaguovddážis (SDGas) galgat ain joatkit buriid čájáhusaid čájehit ja lágidit miellagiddevaš doaimmaid mat geasuhit gehččiid, ja maiddái ovttasbargat eará ásahusiaguin Norggas ja olgoriikkas. SDGas lea dehálaš bargu mii lea olahit sámi dáidagiin máilbmái. Mun illudan beassat dáiddaguovddáža viidásat ovdánahttit ovttas guovddáža bargiiguin,” lohká ođđa direktevra.

Kristoffer Dolmen lea bargan Bodø kunstforeningas “Bådåddjo dáiddasearvvis” (2001 – 05) čájáhusbuvttaddeaddjin ja gaskkusteaddjin, son leamašan prošeaktajođiheaddjin Den Nordnorske Kunstutstillingas “Norgga Dáiddačájáhusas” (2001 – 05), son lea maiddái bargan čájáhusgeardomátkkiiguin, prográmmabargin ja doaibman dáiddamagasiinnas Se Kunst i Nord-Norge (2005-08). Jagi 2008 rájes lea son doaibman dáiddafágasuorggis Nordlándda fylkkasuohkanis, gos sus lei ovddasvástádus máŋggaid stuorit prošeavttain ja vuoruhuvvonsurggiin nu movt Kunst i offentlig rom “dáidda almmolašlanjas” Skulpturlandskap Nordland “Nordlándda skulptuvraeanadat”, AiR Nordland (kunstneropphold) “dáiddárorrun”, Artist in Residence fierpmádaga báikkit Nordlánddas, ja dasa lassin máŋggat čájáhusat, konferánssat ja eará lágideamit.

 

Dolmenis leamašan maid stivrradoaimmat AdLib Jazzklubbas, ParkArtas ja Ny Musikk-Bodøas.

Sus lea Mastergráda hábmejeaddji kuráhtorgeavatlašoahpus ja Cand. Mag. gráda Bergen Universitehtas fágasurggiin dáiddahistorjá, kulturgáhtten ja kulturgaskkusteapmi.  Dolmenis lea maiddái Museadieđaoahppu ja Cultural Management Stockholm Universitehtas, ja lassin vel Sámi kulturmáhttokursa mas dáttuhuvvui Julevsámeguovlu.

– “Mun lean aktiivvalaččat bargan Barentsguovllu fierpmádagain ja lean geahčastan nuorttas, erenoamážit jurdagiin ahte Davvikálohtta ja Davvioarje-Ruošša livččejit miellagiddevaš ovttasbargoguovllut. Sápmi ja sámedáiddárat gullet guovddážii das, seammás gullet maiddái dáiddárat geat ásset davviriikkain ja geain lea gullevašvuohta sámi dáiddárbirrasii.  SDGa buori čájáhuslanjat Kárášjogas addet nana rámmaid čájáhusaide ja prográmmadoaimmaide. Seammás háliidan geahčastit olggobeale ovttasbargovejolašvuođaide viidábut ja gaskkustit čájáhusaid eará báikkiin, nu go dahkkui ovdamearkkadihte Tråante 2017is ja documenta 14is”, čilge son virgái álgima oktavuođas.

Lasi dieđut fidnemis Sámi Dáiddaguovddážis. Jearahallama sáhttá šiehtadit Kristoffer Dolmeniin, tel. +47 910 09 705, e-poastačujuhus kristoffer@samidaiddaguovddas.no