Per Berntsen – Metsä

 

 

Njealljelogi čavges govas Per Berntsen visualisere Sápmái mihtilmas eanadaga; davviguovlluid viiddis beahcevuvddiid. Čájáhusas Metsä Per Berntsena dárkilis, vuollegaš muhto liikká hui erenoamáš govvadáidda deaivvada árktalaš geografiijain, mii lea seammá guorbbas go šattolašge.

 

Čájáhusas Metsä leat govat, maid Per Berntsen lea govven dáiddafotográfalaš prošeavttas. Dat čájehit vuoimmálaš táiga, viiddis guovllu, mas leat beahcevuovddit ja jeakkit. Dat fátmmasta osiid Ruoŧas, Davvi-Norggas, Suomas, Ruoššas ja Davvi-Amerihkás.

Metsä čájeha Sápmái mihtilmas eanadaga ja duovdagiid. Prošeavttas lea gealdagas nuppi dáfus guorba ja šattolaš árktalaš táiga ja nuppi dáfus Per Berntsena mihtilmasat čavges, suggestiiva ja spartánalaš estetihka gaskka, mas lea seammá lágan vuoigŋa go davviguovlluide mihtilmas eanadagain. Metsäs leat 40 stuorra čáhppesvilges fotogova eanadagain. Dat leat govvejuvvon 2013 rájes 2015 rádjái 16 x 21 cm stuorra formáhta govvaapparáhtain.

Per Berntsen (r. 1953) lea dáiddagovvema veterána Norggas ja lei vuosttamuččaid searvvis, geat geavahedje fotografiija dáiddalaš ovdanbuktimii. Berntsen studerii Trent Polytechnic / Derby College of Artas, Englánddas, 1970-logu loahpas. Vuosttaš čájáhusa rájes, mii lei 1980 Oslo Fotogalleriijas, son lea jotkkolaččat bargan ođđa prošeavttaiguin ja doallan čájáhusaid. Su bargguid čájehit the Museum of Modern Art New Yorkas, Bibliothèque Nationale Parisas ja Oslo nationálamusea.

 

Čájáhusa oktavuođas lea almmustahttojuvvon maiddái girji, Metsä, mas leat buot prošeavtta 60 gova – ereliiggán fiinna prentosis – ja Jan-Erik Lundströma teaksta davvisámegillii, eaŋgalsgillii, suomagillii ja ruoššagillii.