Sámi Dáiddaguovddáš bovde iluin buohkaid Sámeálbmotbeaivvi nuvttá ávvudeapmái dii. 11.00-15.30.

Filbmačájeheapmi «Eatnanvuloš lottit / Birds in the Earth» 11.00 / 12.00 / 14.00 ja 15.00. Filbma bistá 10:40 minuvtta

Ofelastin čájáhusas Time for Sculpture #1 Muoras – árdnan
sáme- dahje dárogillii dii. 13.00

Čájáhusas lea muorra váldoávnnasin, ja dan geavaheapmi guorahallojuvvo sihke bazzedahkamis ja objeavttaid dahkamis. Dát árbevirolaš ávnnasgeavaheapmi sihke dáidagis ja duojis lea erenoamáš Sámis. Oassálasti dáiddárat čájáhusas:

Jon Ole Andersen, Folke Fjällström, Aage Gaup, Annelise Josefsen, Per Isak Juuso, Iver Jåks, Håvard Larsen, Max Lundström, Randi Marainen, Margrethe Pettersen, Maj-Lis Skaltje ja Ingunn Utsi

Guossoheapmi – káffe/teadja ja njálgga gáhkut

SDG skeŋke galledeaddjiide dušše Sámeálbmotbeaivvi nuvttá ovddeš prošeakta- ja čájáhuskatalogaid / gihppagiid + poastakoarttaid

Mii illudat dinguin ávvudit ovttas!

Dearvuođat Sámi Dáiddaguovddážis

Govat: Marja Helandera bálkkašuvvon filmmas «Eatnanvuloš lottit / Birds in the Earth», 2018.
Filbma vuittii njukčamánus 2018s dan legendáralaš Risto Jarva bálkkašumi Tampere Filbmafestiválas.