Vuođđudus Sámi Dáiddaguovddáš (SDG), ásahuvvui 1986s, ja lea njunoš internášunála guovddáš sámi dálááiggedáiddáriid várás.

SDG:a ulbmil lea leahkit mearkkašahtti riikkaidgaskasaš čájehan arenan sámi dálááiggedáidagii Sámis, ja seammás leahkit dehálaš deaivvadanbáikin buot dáiddáriidda ja dáiddaberošteaddjiide.

SDG:a višuvdna lea leahkit dehálaš ja áigeguovdilis deaivvadanbáikin guovdu Sámi, seammás go maiddái lea dehálaš kulturguoddin ja gaskkusteaddjin sikkáldasat ja olggobealde sámi servodaga.

SDG lea ásahus man ulbmil lea doarjut, gaskkustit ja dovvdusin dahkat sámi dálááigge dáidaga Eurohpai, eamiálbmot guovlluide ja daid stuorámus dáidda arenaide máilmmis. SDG:as lea maiddái ulbmil bohciidahttit beroštumi ja áddejumi dálááigge dádaga ovdanbuktin hámiid, seammás čáhkket saji ođđa dáiddalaš ja eksperimenttalaš bargovugiide ja dáiddalaš ovdanbuktima friijavuođa.

Sámi Dáiddaguovddáš bargá ovddidit ja viiddidit sámi dálááiggedáidaga deaivvadeami geahččiiguin.


SDG Gávpi

SDG ulbmilastá doarjut ja dovddusin dahkat sámi dálááiggedáiddáriid, giehtaduoji ja dáiddaduoji alimus dásis.

Dáiddaguovddáža gávppis gávnnat dáidagiid, daiddaduoji, girjjiid, čiŋaid, sámemusihka ja muđui gávpe gálvvuid mat sáhttet skeaŋkan heivet.